Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Tabaku: Pengesa më e madhe sot për të bërë biznes është shteti

Politiko 18 Shkurt 2025, 17:08

Tabaku: Pengesa më e madhe sot për të bërë biznes

Deputetja e Partisë Demokratike, Jorida Tabaku ka akuzuar qeverinë se po drejton një ekonomi të komanduar që favorizon oligarkët dhe monopolistët, duke lënë jashtë loje sipërmarrësit e ndershëm dhe konkurrencën e lirë.

Në një video në rrjetet sociale, tabaku shkruan se pengesa më e madhe sot për të bërë biznes është vetë shteti. Nga ana tjetër, Tabaku kujton se programi i PD parashikon gjithashtu një reformë derregulluese për të lehtësuar ngarkesën mbi bizneset, duke eliminuar burokracinë e tepërt, e cila sot u kushton sipërmarrësve kohë, para dhe mund. 

Postimi:

Pengesa më e madhe sot për të bërë biznes është shteti. Ngarkesa më e madhe vjen nga shteti, jo vetëm për faktin që burokracia dhe taksat e larta rëndojnë mbi sipërmarrësit, por edhe sepse sot ekonomia është përqendruar në pak duar. Shteti po drejton praktikisht një ekonomi të komanduar, duke kufizuar konkurrencën dhe duke favorizuar monopole dhe oligopole.

Nuk ka më ekonomi tregu. Ndërkohë që sot sipërmarrja kërkon disa ndryshime themelore, të cilat janë të përfshira në programin ekonomik të Partisë Demokratike. Një prej tyre është miratimi i një kodi fiskal të qartë dhe të qëndrueshëm, një kushtetutë e taksave që përcakton rregulla të qarta për të ndihmuar jo vetëm investitorët e brendshëm, por edhe ata të huaj. Propozimi ynë për një taksë të sheshtë dhe të thjeshtë synon të ulë informalitetin dhe të stimulojë rritjen ekonomike.

Një tjetër aspekt i rëndësishëm është vendosja e rregullave të ndershme duke eliminuar të gjitha përjashtimet fiskale. Sot, përjashtimet nga rregulli janë kthyer në rregull, duke favorizuar sektorë të caktuar dhe duke krijuar monopole e oligopole që vrasin konkurrencën e lirë.

Programi ynë parashikon gjithashtu një reformë derregulluese për të lehtësuar ngarkesën mbi bizneset, duke eliminuar burokracinë e tepërt, e cila sot u kushton sipërmarrësve kohë, para dhe mund. Këto janë masa të domosdoshme për ta vendosur ekonominë shqiptare në shina të qëndrueshme dhe për t’i dhënë asaj frymëmarrjen e nevojshme.

Ekonomia shqiptare nuk mund të jetë ekonomi e pakicës apo e privilegjeve. Ajo duhet të jetë një ekonomi që punon për të gjithë njësoj, duke krijuar mundësi të barabarta për çdo qytetar dhe duke stimuluar meritokracinë edhe në biznes.

Të fundit