Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Tabaku: Pensionet e shqiptarëve, një realitet i hidhur dhe diskriminues

Politiko 26 Tetor 2024, 12:41

Tabaku: Pensionet e shqiptarëve, një realitet i hidhur dhe

Deputetja demokrate,  Jorida Tabaku, ka publikuar sot një video mbi realitetin e pensionistëve shqiptarë.

Me një “rritje qesharake të pensioneve prej vetëm 20 lekësh në ditë”, Tabaku thekson se kjo është një përpjekje e dështuar për të mbuluar rënien e fuqisë blerëse dhe sfidat ekonomike të 700 mijë pensionistëve në Shqipëri.

Në videon e saj, Tabaku thekson se një pensionist në Shqipëri merr mesatarisht 131 euro në muaj, shumë më pak se fqinjët tanë në rajon dhe në Bashkimin Europian, ku pensionet janë pothuajse dyfish më të larta.

Sipas saj, rritja e pagave dhe pensioneve nuk duhet të jetë thjesht një manovër propagande e qeverisë. “Politikat aktuale fiskale dhe ekonomike favorizojnë një pakicë të privilegjuar, duke varfëruar shumicën e qytetarëve.

“Një skemë e dështuar pensioni, si kjo e miratuar në 2014-2015, nuk mund të sjellë të ardhura të dinjitetshme për qytetarët tanë në moshën e tretë,” përfundoi Tabaku.

Tabaku shtoi se dështimi i skemës së pensioneve është drejtpërdrejtë i lidhur me dështimin e ekonomisë së vendit.

“Rritja fiktive e pagave dhe politika e formalizimit të detyruar kanë krijuar një iluzion të zhvillimit ekonomik, por në realitet kanë përkeqësuar situatën. Bizneset detyrohen të rrisin pagat pa ndonjë rritje reale të produktivitetit, çka ka çuar në shtimin e informalitetit dhe mbylljen e shumë bizneseve të vogla. Kjo ka dobësuar më tej bazën e kontribuuesve të skemës së pensioneve, duke e bërë atë edhe më të paqëndrueshme.

Për më tepër, rritja e pagës minimale është përdorur si një mjet propagandistik për të treguar një përmirësim të kushteve ekonomike, por në realitet kjo nuk ka sjellë përfitime reale për qytetarët. Rritja e detyruar e pagës minimale ka rritur vetëm shpenzimet e biznesit dhe ka detyruar shumë prej tyre të reduktojnë numrin e të punësuarve, duke shtuar papunësinë dhe pasigurinë ekonomike.

Kjo video vjen si një reagim ndaj fushatës së fundit të qeverisë që pretendon të ketë rritur pensionet, ndërsa në realitet varfërimi i qytetarëve dhe mungesa e perspektivës ekonomike vazhdojnë të thellohen”, deklaron Tabaku.

Të fundit