Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Tedi Blushi "i hodhi pranga" në mbledhjen e Këshillit Bashkiak, Veliaj e përjashton

Politiko 31 Janar 2024, 14:53

Tedi Blushi "i hodhi pranga" në mbledhjen e Këshillit

Pasi i vendosi pranagat për t'i treguar se ka futur në xhep taksat e shqiptrarëve, Erion Veliaj ka urdhëruar përjashtimin e Tedi Blushit. Këtë e ka konfirmuar anëtarja e Këshillit Bashkiak të Tiranës, Ilda Zhulali.

Në një deklaratë nga selia blu, Zhulali citoi Veliajn i cili tha se shpreson që Tirana të kthehet në një mësimore për transformime që deri dikur dukeshin të pamundura.

AJo u shpreh se në fakt Tirana është një mësimore se si një kryebashkiak i korruptuar refuzon të japë llogari, refuzon t’u përgjigjet pyetjeve, refuzon mbledhjen e Këshillit Bashkiak.

"Sindroma e përjashtimit të opozitës ka kapur edhe Bashkinë e Tiranës. Kryetarja e Këshillit Bashkiak Romina Kuko ka vendosur përjashtimin nga mbledhjet e Këshillit dhe komisioneve të këshilltarit Tedi Blushi, pas dhurimit të prangave Erion Veliajt. Ky gjest simbolik në shenjë proteste ndaj refuzimit të Erion Veliajt për të dhënë llogari në Këshillin Bashkiak për inceneratorin e Tiranës, merr të njëjtën përgjigje dhe masë ndëshkimore si në Kuvendin e Shqipërisë.

Sot Erion Veliaj përmes një komunikimi publik deklaroi se “shpreson që Tirana të kthehet në një mësimore, për të kuptuar sesi në kohë rekord mund të bëhen transformime që përpara dukeshin të pamundura.” Zoti Veliaj ka shumë të drejtë, Tirana është një mësimore se si shkatërrohet identiteti i një kryeqyteti duke e transformuar atë vetëm në fjetore, gjelltore dhe gropë të thellë të krimit. Tirana është një mësimore se si braktiset prej vendasve ndonëse frekuentohet prej të jashtmëve. Tirana është një mësimore se si një kryebashkiak i korruptuar paguan prej 7 vitesh për një incinerator që nuk ekziston, dhe se si censurohet cdo lajm që lidhet me këtë aferë mafioze.

Po, Tirana është një mësimore se si një kryebashkiak i korruptuar refuzon të japë llogari, refuzon t’u përgjigjet pyetjeve, refuzon mbledhjen e Këshillit Bashkiak, refuzon cdo diskutim dhe debat, duke shkelur haptas ligjin për pushtetin vendor dhe rregulloren e Këshillit Bashkiak. Po, Tirana është një mësimore, se si një kryebashkiak i korruptuar urdhëron përjashtimin dymujor të këshilltarëve opozitarë, i tmerruar prej gjestit simbolik të dhurimit të prangave.

Le t’a kujtojmë Kryetarit të tronditur nivelin e tij të komunikimit në mbledhjen e Këshillit Bashkiak të Tiranës në tetor 2023. Dhe me këtë rast, a mund të na thotë zonja Kryetare e Këshillit se cila pjesë e fjalisë i duket etike në këtë komunikim, dhe përse nuk ndërmorri asnjë masë ndaj Erion Veliajt?", deklaroi Zhulali.