Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Teliti: Programi i PD mbështet fuqizimin dhe mirëqenien e familjes shqiptare

Politiko 7 Dhjetor 2024, 19:18

Teliti: Programi i PD mbështet fuqizimin dhe mirëqenien e familjes

Koordinatori për Programin Ekonomik në Partinë Demokratike, Dorjan Teliti, ka prezantuar disa nga pikat kyçe të programit të ri ekonomik të PD-së, duke theksuar fokusin e saj në mbështetjen dhe fuqizimin e familjes shqiptare.

Në një status të publikuar, Teliti detajoi masat konkrete që synojnë të lehtësojnë barrën ekonomike të familjeve, të nxisin rininë për të ndërtuar jetën e tyre në Shqipëri dhe të promovojnë mirëqenien e përgjithshme.

Postimi i Telitit

STREHIMI DHE MIRËQENIA E FAMILJES, REALITET ME BERISHËN KRYEMINISTËR!

1. Brenda mandatit të parë, 20 mijë subvencionime të interesave të kredive për strehim (5 mijë cifte të reja cdo vit). Ciftet do të paguajnë simbolikisht vetëm 1% interesa, pjesa tjetër e interesave do subvencionohet nga buxheti i shtetit. Kush nuk përfiton apo zgjedh të mos jetë pjesë e skemës së subvencionimit, do mund të përfitojë bunusin nga 10 deri në 25mijë euro për rikonstruksion dhe mobilim të banesës ekzistuese në pronësi apo trashëgimi të tyre.

2. Bonus i qënësishëm për cdo të lindur, dhe konkretisht 1000 euro për fëmijën e parë, 2000 euro për fëmijën e dytë, 3000 euro për fëmijën e tretë dhe 5000 euro për fëmijën e katërt e më shumë.

3. Gjithashtu, familjet me fëmijë deri në moshën 21 vjecare, do përfitojnë bonusin mujor nga 20 deri në 50 euro për cdo fëmijë (në varësi të të ardhurave familjare).

4. Lehtësim tatimor për nënat me tre fëmijë, të cila do përjashtohen përjetë nga tatimi mbi të ardhurat personale, ndërkohë që për ciftet me 4 fëmijë apo më shumë përjashtohet nga TAP edhe bashkëshorti.

FAMILJA ËSHTË BAZA E SHOQËRISË, OBLIGIMI YNË ËSHTË FUQIZIMI DHE MIRËQENIA E SAJ!

Të fundit