Flash News

Debutim i hidhur për Maran, Shqipëria mposhtet nga Izraeli

“Pelikanin kaçurrel, do ta sjellim në Surrel”, vogëlushja e përlotur mesazh Ramës nga protesta

Video/ Policia hedh ujë ndaj turmës, protesuesit çajnë gardhin metalik

Tragjedia në Shëngjin, humbin jetën 2 të rinj nga Kosova, 3 të tjerë përfundojnë në spital

U futën për t'u larë, 4 të rinj rrëmbehen nga dallgët te 'Rana e Hedhun', dyshohet për viktima

Ditari i Opozitës

"Ç'thonë ata idiotët shqiptarë", Këlliçi publikon mesazhin e ministrit të Jashtëm: Gjuhë e papranueshme!

Politiko 24 Prill 2026, 17:33

"Ç'thonë ata idiotët shqiptarë",

Deputeti i Partisë Demokratike, Belind Këlliçi ka publikuar një komunikim të kryediplomatit Ferit Hoxha në një grup të brendshëm në Ministrinë e Jashtme çka sipas tij përmban gjuhë fyese ndaj shqiptarëve në Maqedoninë e Veriut.

Në një postim në rrjetet sociale, Këlliçi thekson se përmbajtja e këtij komunikimi është e papranueshme për një zyrtar të këtij niveli dhe kërkon mbajtjen e përgjegjësisë sipas standardeve diplomatike ndërkombëtare.

Postimi i plotë: 

A do mbajë përgjegjësi Ferit Hoxha për mënyrën si shprehet për shqiptarët?!
Eshtë pikërisht komunikimi në një grup chat-it në Ministrinë e Jashtme, mes titullarit dhe disa funksionarëve të lartë, që tregon çfarë në të vërtetë Ferit Hoxha mendon për bashkëkombasit tanë në Maqedoni të Veriut.
Lehtësia me të cilën ai shprehet në këtë mënyrë fyese, është pak të thuhet arrogancë.
Ky etiketim, kjo gjuhë ordinere i ka habitur aq shumë punonjësit e Ministrisë së Jashtme që janë pjesë e këtij grupi komunikimi në whatsapp, sa kanë nisur ta shpërndajnë.
Ferit Hoxha nuk mund të jetë një kryediplomat i Tiranës nëse mendon në këtë mënyrë për shqiptarët.
Edhe nëse do të ishte në një audiencë të kufizuar, të kontrolluar dhe me besim të plotë në konfidencialitet, një diplomat karriere që i është besuar drejtimi i Ministrisë së Jashtme s’ka se si të përdorë këtë gjuhë. Eshtë e papranueshme.
Ka vetëm një mënyrë që ai të provojë se ka shërbyer në qendrat më të rëndësishme të botës.
Të mbajë përgjegjësi për këtë komunikim, ashtu siç do bënte një diplomat karriere në Bruksel, New-York, NATO, Paris, e kudo në perendim.

Të fundit