Vendimi i Komisionit të Përzgjedhjes së deputetëve të PD, Gurakuqi: Njoh vetëm fjalën e kryetarit

Ish-deputeti i PD-së, Romeo Gurakuqi, ka folur së fundmi për vendimin e Komisionit të Përzgjedhjes se deputetëve, teksa ka deklaruar se ai njeh vetëm vendimin e kryetarit të PD-së dhe të Kryesisë në lidhje me procedurën e rikandidimit.

Më tej ai shton se vlerësimi përfundimtar i komisionerëve mbyllet në momentin kur kandidatët dërgohen në degë.

Në një intervistë për "Panorama", Gurakuqi shprehet se është ende deputet për PD dhe elektoratin e djathtë, deri në zgjedhjet e ardhshme dhe e kam edhe këtë akses në çdo moment që me nevojitet për të realizuar detyrat përfaqësuese, organizative dhe konsultuese deri më datë, 25 prill 2021.

Intervista e plotë:

Si e gjykoni vendimin e Komisionit të Përzgjedhjes se deputetëve të PD?

Duke qenë se procedura e zhvilluar bazohet në statutin e PD dhe udhëzimet e kryetarit, kam verifikuar me kujdes aktet e ndërmarra nga Komisioni dhe i kam ballafaquar me rregullat. Dua të deklaroj se unë njoh vetëm vendimin e kryetarit të PD-së dhe të Kryesisë në lidhje me procedurën e rikandidimit. Vendimarrja e fundit  e komisionereve, në qofte se ka ndodhur, me rezulton se është realizuar në shkelje të plotë të tagreve të dhëna atyre nga udhezimet respektive. Kësisoj është nul. Ato kanë marrë një vendim kur tagri u kishte përfunduar. Vlerësimi përfundimtar i komisionerëve mbyllet në momentin kur kandidatët dërgohen në degë. ( neni 25).

E drejta e komisionerëve për të shqyrtuar kandidatët ka përfunduar ditën që emrat i kanë shkuar anëtarësisë për konsultim në Shkodër, me datë, 30 shtator 2020.

Pika 32 e udhëzimit e përcakton krejt qartë këtë: "Kryesia e Partisë përzgjedh kandidatët zyrtare të PD në zgjedhje nga Lista e Kandidatëve të konfirmuar nga anëtarësia". Mirëpo Komisionereët tanë gabimisht i janë referuar nenit 31, duke bërë të paditurin, mbasi  ajo pikë qartazi përdoret nga komisioni vetëm për ata kandidatë, të cilët janë konfirmuar fillimisht, por janë skualifikuar nga kontestimi i anëtarësisë. 

Mbi të gjitha, pretendimi se është bërë vlerësim bazuar në kritere, siç kam dëgjuar nga disa ligjërime të tjerruna  gjatë nga disa anëtarë të komisionit, është i pavërtetë dhe shumë fyes në deklarimin diferencues. Sipas deklarimeve të besueshme, Komisionereët kanë realizuar vetëm votim të fshehtë mbi emra, pa pasur parasysh CV -të, rezultatet e arritura në procesin e konsultimit në bazë, punën shumëvjeçare të deputetëve në Aulen parlamentare dhe në terren. Targetimi i deputetëve të Shkodrës është i paragjykuar dhe i paramenduar, sipas opinionit tim personal. Arsyet e kësaj ndërhyrjeje të targetuar  jam duke i shqyrtuar me shumë kujdes, për të kuptuar ndërhyrësin extra institucional.

Njohja e udhëzimit dhe shkeljeve procedurale me imponon që unë të njoh tanimë vetëm vendimin qe i përket kryetarit të PD-së. Do ta respektoj 100% atë vendim kur të vijë, duke qëndruar në linjën themelore të PD- së dhe anëtarësisë, qe ka vuajtur persekutimin e regjimit të Edi Rames, ka qenë e angazhuar në betejën për votën e lirë, nuk ka qëndruar në poltronet e  korrupsionit të kastës që tallet me popullin në ikje të frikshme nga skamja dhe pasiguria prej vitesh. Po ashtu më lejoni t'ju them se do të bëj gjithshka në fuqine time konsultative si deputet i zgjedhur, që Shkodra të ketë përfaqësinë e vet më të mirë, sikurse e kërkojnë mijëra shkodrane këtu dhe nëpër botë.

Pra ju njihni vetëm vendimin e kryetarit të PD dhe institucioneve zyrtare të PD?

Unë njoh vetëm vendimin e kryetarit të PD, Lulzim Basha, dhe kryesisë që do të bazohet në rankimin e realizuar nga votimi i bazës. Për mua ka rëndësi që kam qenë më i përkrahuri nga anëtarësia e PD në Shkodër dhe jam shumë i surprizuar dhe falënderues ndaj demokratëve shkodrane. Do vazhdoj të jem në krah të zotir Basha,  ne kryesimin e puneve ne Qarkun e Shkodres. Njelloj do te jem ne aksionin e PD edhe sikur une te mos jem kandidat per deputet per shkak te vendimarrjes sime, ose te drejtimit racional te Kryesise se PD.

Ka pasur nje keqinterpretim mbi tagret e komisionit. Duhet te sqaroj se ato  tagre kane qene vetem konsultative dhe asnjehere vendimarrese. Ato tagre kane perfunduar per kete komision tanesisht me daten 10 tetor 2020. Unë kam marrë votëbesimin e antarësisë për të qenë në drejtues i grupit të deputetëve demokrat në Shkodrës me 30 shtator 2020. Asnjë lloj gjykimi nuk mund te realizoje komisioni kinse për staturën intelektuale, qytetare dhe per integritetin duke u nisur nga mendja e vet, pa prova zyrtare dhe pa autorizim te specializuar. Per te gjykuar mbi integritetin me se pari duhen marre certfikatat nga autoritetet dhe per kete ka nje radhe nga ku nis puna. Une jam certifikuar nga autoritetet shteterore per pastertine e figures ne muajin korrik 2017 para marrjes se mandatit te deputetit me kerkesen time dhe ky eshte nje fakt i njohur publikisht. Pyetja eshte: a munden te pa certifikuarit te shqyrtojne pastertine e figures te te certifikuarve?!

Une sugjeroj qe dikush duhet te me kerkoje  falje  per fyerjet aluduese publike te bera, me dashje ose prej mungeses se maturise. Po ashtu kerkoj qe vendimi i ndermarre ne kundershtim me Udhezimin e kryetarit  te anullohet, brenda kesaj jave, perndryshe do t'i drejtohem Komisionit te Apelimit per ta gjykuar.

Jeni takuar të premten me kryetarin e PD?

Kam raporte miqësore dhe institucionale me kryetarin e PD dhe e takoj në çdo moment qe eshte r domosdoshme per punen zotin Lulzim Basha. Jam ende deputet per PD dhe elektoratin e djathte, deri në zgjedhjet e ardhshme dhe e kam edhe këtë akses ne cdo moment qe me nevojitet per te realizuar detyrat perfaqesuese, organizative dhe konsultuese deri me date, 25 prill 2021.