Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Vendimi për maskat, Kryemadhi bën thirrjen e fortë: Mos e zbatoni urdhrin, kundërpërgjigjuni policëve!

Politiko 12 Tetor 2020, 21:01

Vendimi për maskat, Kryemadhi bën thirrjen e fortë: Mos e zbatoni

Kryetarja e Lëvizjes Socialiste për Integrim Monika Kryemadhi komentoi aktin normative të qeverisë për përdorimin e detyrueshëm të maskës në mjedise publike, duke nisur nga 15 tetori.

Kryemadhi deklaroi se nuk do ta respektojë këtë vendim dhe i bëri thirrjen e fortë ndaj qytetarëve që të mos e zbatojnë dhe t’i përgjigjen policëve.

Për Kryemadhin ky vendim do të rëndojë mbi xhepat e qytetarëve dhe ngjason me një koncesion i cili synon të garantojë shitjen e maskave. Ajo ka kërkuar nga shqiptarët të mos e zbatojnë këtë masë, qesharake siç e quan Kryemadhi.

Kryemadhi tha për “RTV Ora” se kryeminstrit Edi Rama nuk i intereson shëndeti i qytetarëve, pasi në të kundërt do të kishte anulluar konçesionet në shëndetësi.

“Ky zotëria na thotë po ece në rrugë duhet të jesh me maskë, ndërsa po hyre 100 veta në lokal, mos mbani maskë. Dakord që ky po na nxirrka një modë të re të vendosjes së maskës në çdo ambient përveçse në shtëpi, a e ka bërë llogari ky njeri se sa do t’u kushtojë xhepave të shqiptarëve kjo maska? Maska më e lirë është 700 lekë.

Apo ka nevojë ky që të bëjë një tjetër koncesion për këto maskat në mënyrë që t’u garantojë shitjen. Unë personalisht nuk do ta mbaj maskën dhe u bëj thirrje gjithë qytetarëve shqiptarë që mos ta mbajnë atë, përveçse aty ku është e domosdoshme për ta mbajtur. Nuk besoj që Edi Rama ka kaq shumë problem shëndetin e shqiptarëve, sepse po të kishte këtë problem, gjënë e parë që do kishin bërë do të ishte anulimi i koncesionit të shëndetësisë.

Këta njerëz që kanë grabitur pushtetin nuk meritojnë gjë tjetër veçse, jo vetëm që nuk duhet përdorur maska, por duhet dalë në rrugë. Nëse nuk e mbani maskën rrezikoni të gjobiteni nga Policia Bashkiake apo Policia e Shtetit...

Po le të guxojnë dhe unë do t’u bëj thirrje çdo qytetari që do ta ndalojë çdo polic, qoftë i Edi Ramës qoftë i Erion Veliajt, t’i kundërpërgjigjet, sepse vetë policët të parët nuk do të kenë lekë për të blerë maska”, tha Kryemadhi.

Të fundit