Vokshi shpjegon programin e PD: Si do të ndryshojë arsimi

Ish-deputetja Albana Vokshi shpjegoi sesi do të ndryshojë arsimi në Shqipëri nëse më 25 prill fiton PD. Përmes një videoje të postuar në Facebook, Vokshi thotë se nxënësi do të jetë në fokus të programit.

Sipas saj, do të krijohen mundësitë për pjesmarrjen e nxënësvenë aktivitete të ndryshme, duke u ndalur edhe te mbështetja financiare.

Vokshi tha se Partia Demokratike angazhohet që për 350 fëmijë, të sigurojë tekste të reja falas, ndërsa ndihma financiare për 60 mijë familje në nevojë do të vazhdojë deri në fund të shkollës së mesme.

Shpjegimi:

Albana përshëndetje!

Albana Vokshi: Përshëndetje, Jona!

Jona: Motra ime është në shkollë, por për shkak të kushteve jo të mira po mendojmë ta çojmë në një shkollë private. A do të ndryshojë diçka në cilësinë e shkollimit?!

Albana Vokshi: Patjetër që do ndryshojë. Nxënësi do jetë në fokus të programit të Partisë Demokratike. Të gjitha shkollat, edhe në cepin më të fundit të Shqipërisë, do jenë me infrastrukturë, me standarde ndërkombëtare. Prindërit, sikurse po e diskutonim dhe me Valbonën dhe me Malvinën do jenë krejt të qetë sepse fëmijët e tyre do jenë në një ambient të sigurt. Do sigurojmë edhe vakte ngrënie, madje edhe aktivitete të ndryshme mbas mësimit, bazuar në prirjet që nxënësit do të kenë.

Jona: Shkollimi i fëmijës ka dhe kosto, a do të kemi një ndihmë?

Albana Vokshi: Përveç faktit që prindërit do jenë të sigurt për fëmijët e tyre, deri në orët e pasdites dhe do të kenë mundësi që të punësohen, që do të sjellin më shumë të ardhura për familjet e tyre. Partia Demokratike angazhohet që për 350 fëmijë, të sigurojë tekste të reja falas. Ndihmë e cila për 60 mijë familje në nevojë do të vazhdojë deri në fund të shkollës së mesme.

Jona: Faleminderit Albana.

Albana Vokshi: Faleminderit, Jona! Në 25 Prill, Shqipëria fiton arsimin.