Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Voltana Ademi: Thyerja e selisë së PS nga të panjohur prej protestuesve. Policia u njoftua, por ndenji me duar në xhepa

Politiko 12 Dhjetor 2020, 13:52
Voltana Ademi: Thyerja e selisë së PS nga të panjohur prej
Kryetarja e bashkisë së Shkodrës, Voltana Ademi

Vjen reagimi i parë i kryetares së bashkisë së Shkodrës, Voltana Ademi pas protestës së organizuar sot në Shkodër, lidhur me vrasjen e Klodian Rashës.

Duke komentuar thyerjen e selisë së PS atje, Ademi thotë se akti u krye nga disa të rinj, të panjohur dhe të pambështetur nga protestuesit e tjerë.

Ademi shton se pasi ka njoftuar autoritetet më të larta në Shkodër, policia ndenji me duar në xhepa, duke parë dhunimin e selisë, pa bërë asnjë veprim.

“Si qytetarja e parë e Shkodrës kisha përgjegjësinë të isha sot me shkodranët e revoltuar nga arbitrartieti që çon deri në vrasje, e shtetit policor të ndërtuar nga Edi Rama në këto 7 vjet.

Ne bëmë detyrën tonë ndaj demokracisë dhe lirisë në një marshim paqësor.

Thyerja e selisë së Partisë Socialiste nuk është ajo që ne duam dhe ajo që ne shkodranët mbështesim.

Ne nuk kemi nxitur kurrë urrejtje politike as në kohërat më të errëta dhe persekutimin më të egër, nuk nxisim as sot as dhunën, as urrejtjen mes vedit.

Qytetarët duhet ta dinë se kur disa të rinj, të panjohur dhe të pambështetur nga protestuesit e tjerë, u drejtuan nga selia e PS, njoftova autoritetet më të larta të Policisë në Shkodër. Policia ndenji me duar në xhepa, duke parë dhunimin e selisë, pa bërë asnjë veprim.

Të rinjtë dhe qytetarët nuk duhet të bien pre e asnjë provokimi kriminal, siç ka ndodhur në Tiranë nga regjimi i Edi Ramës dhe siç po ndodh sot në Shkodër. E drejta për të protestuar është legjitime dhe ajo duhet të ushtrohet pa pengesa dhe tejkalime”, shkruan Ademi.

Të fundit