Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Votimi për Avokatin e Popullit, Berisha: Parlamenti e mbylli vitin në mënyrën më moniste

Politiko 23 Dhjetor 2022, 12:22

Votimi për Avokatin e Popullit, Berisha: Parlamenti e mbylli vitin në

Në konferencën e përjavshme për mediat, kryedemokrati Sali Berisha u ndal te çështja e Avokatit të Popullit. Kuvendi nuk arriti gjatë seancës maratonë që u mbajt ditën e djeshme të zgjidhte Avokatin e Popullit, ndërsa kryeministri Edi Rama tha se nuk do të votojë kandidatët e opozitës.

Zgjedhja e AP-së u shty për seancën që do të mbahet në fillim të vitit 2023. Berisha deklaroi se Parlamenti e mbylli vitin në mënyrën më moniste, duke akuzuar qeverinë se i ka marrë në dorë të gjitha pushtetet.

“Parlamenti e mbylli vitin në mënyrën më moniste. Të gjitha pushtet, përveç kryetarit të Bashkisë së Shkodrës, tani i shkojnë qeverisë.

Të gjithë kandidaturat që ishin në listë për t’u votuar, gjykoj se kjo ishte lista më dinjitoze që është paraqitur ndonjëherë, aty kishte përfaqësues të të përndjekurve politikë, si Besim Ndregjoni, i cili gëzonte mbështetje të gjerë të shtresës së tij dhe një kandidaturë e përkushtuar ditë dhe natë për të drejtat e njeriut ishte dhe veprimtari i shoqërisë civile, Altin Goxhaj. Ishin edhe juristë të njohur, të rinj, përfaqëues të gjeneratës së re si Dorian Gjokmarkaj dhe Ilir Dervishi.

Pra, ishin një numër i konsiderueshëm dhe të gjithë ata u hodhën poshtë vetëm pse Edi Rama nuk pranonte asnjërin prej tyre, përveç atij që donte vetë. Ajo që patë në këtë proces, ishte, do të thosha procesi më i turpshëm, me të cilin Edi Rama haptas kërkoi të pushtojë të vetmin institucion që ai nuk e kontrollon. Në traditë, të këtij vendi dhe vendeve të tjera, është respektuar parimi i Avokatit të Popullit të emëruar nga opozita”, tha Berisha.

Të fundit