Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Xhixho: Kur Presidenti bën rolin e komisarit të Partisë dhe jo detyrën e Kryetarit të shtetit

Politiko 18 Janar 2024, 18:16

Xhixho: Kur Presidenti bën rolin e komisarit të Partisë dhe jo

Nga Erisa Xhixho

Kur Presidenti i Republikës bën rolin e komisarit të Partisë dhe jo detyrën e Kryetarit të shtetit
Nuk ka përse të habitemi me faktin se Presidenti i Republikës Bajram Begaj dekretoi ndryshimet antikushtetuese të bëra dhunshëm e në shkelje flagrante të Rregullores së Kuvendit nga ana e maxhorancës në Ligjin për komisionet hetimore të Kuvendit , ligjit nr. 106/2023, "Per disa shtesa dhe ndryshime ne ligjin nr. 8891, date 2.5.2002, "Per organizimin de funksionimin e komisioneve hetimore te Kuvendit'.
Ai prandaj është emëruar në atë detyrë. Do të ishte lajm e kundërta, pra që Presidenti të bënte presidentin dhe t’ia kthente ligjin Kuvendit!
Ai ka zgjedhur të bëjë komisarin e partisë dhe jo detyrën si Kryetar i Shtetit.
Nëse Bajram Begaj do të kishte sadopak integritet në detyrën ku e ka emëruar maxhoranca që po e përdor, nëse ai do ta ndiente përgjegjësinë e detyrës që kryen, por edhe në respekt të të shkuarës së vet si mjek dhe si pedagog në Universitetin e Mjekësisë, do të duhej të mbante qëndrim, do të duhej t’ia kthente Kuvendit, do të duhej të jepte shpjegime dhe të sqaronte opinionin publik mbi ligjin për studentet e mjekësisë. Ligji "Për trajtimin e veçantë të studentëve që ndjekin programin e integruar të studimit të ciklit të dytë "mjekësi e përgjithshme" në institucionet publike të arsimit të lartë"
Studentet e mjekësisë iu drejtuan atij me besimin se po i drejtoheshin Presidentit të Republikës, por edhe me shpresën se po flisnin me një mjek, por ai i braktisi ata dhe nuk pati as burrerine të shprehej per ligjin, por zgjodhi miratimin në heshtje.
Ndaj, çdo pretendim se Bajram Begaj mund ta kthente ligjin per komisionet hetimore në Kuvend është vetëm një iluzion i kotë.
Sepse, ai edhe më herët është shfaqur si palë në konfliktin politik e jo si mbi palët siç ia imponon Kushtetuta.
Sepse, ai edhe më parë ka dëshmuar që nuk mbërrin dot në lartësitë e përgjegjësisë së Kryetarit të Shtetit.
Sepse, ai që prej ditës së parë kur u emërua në detyrën e Presidentit ka zgjedhur të bëjë të perulurin ndaj maxhorancës, ka zgjedhur të bëjë shërbëtorin dhe noterin e saj.
Të ashtuquajturat argumenta kushtetues që këshilltari i tij ia ka shkruar, nuk janë gjë tjetër por një dëshmi më shumë për të kuptuar se Bajram Begaj ende nuk e ka kuptuar se cila është detyra e Presidentit të Republikës.
Në këto kushte prej tij as mos prisni dhe as mos shpresoni se mund të bëjë ndonjë gjë!