Flash News

Aksident i rëndë pranë TEG-ut, një betoniere bie nga mbikalimi në autostradë

Facebook, Instagram dhe Messenger jashtë funksionit për shumë përdorues!

Viktima e dytë nga moti i keq në Sarandë, gjendet i pajetë në det një peshkatar

Shkelën procedurat e punësimit të Muçi Shaljanit, 6 muaj burg për dy ish-zyrtarët e AMP-së

Humbi kontaktet me familjen/ Ambasada braziliane zbulon rastin e prostitucionit në Shqipëri

Ditari i Opozitës

Zgjedhjet në Tiranë, Berisha ftesë aleatëve: Të mbështesim kandidaturën e Florian Binajt

Politiko 6 October 2025, 12:40

Zgjedhjet në Tiranë, Berisha ftesë aleatëve: Të

Kreu i PD, Sali Berisha i ka bërë ftesë aleatëve të mbështesin kandidaturën e Florian Binajt, për zgjedhjet e pjesshme të Tiranës.

Berisha tha se do të jetë grupi i mandatuar i PD i cili do t'iu paraqesë aleatëve sugjerimin për Binajn. 

Kreu i PD i bëri thirrje edhe qytetarëve të Tiranës të japin mbështetjen e tyre për artistin e njohur, i cili sikurse tha Berisha, ka qenë pjesë e kauzave të qytetarëve.

"Jam sot këtu për t’u informuar ju dhe qytetarët e Tiranës, dhe mbarë Shqipërisë, se midis kandidaturave shumë të mira që kanë ardhur direkt nga drejtues dhe personalitete të PD, tashmë të bëra publike, për të cilat unë kam vlerësimin më të madh, kandidaturave realisht të personaliteteve të pavarura nga fusha të ndryshme, nga Shqipëria dhe nga diaspora, PD duke falënderuar me mirënjohje secilin prej atyre që vendosi të paraqesë kandidaturën e tij në shërbim të qytetarëve të Tiranës dhe përballjen me të keqen e këtij vendi, që është Edi Rama, informon se grupi i mandatuar nga PD do u paraqesë aleatëve tanë mendimin dhe sugjerimin që të mbështesim së bashku artistin e mirënjohur, personalitetin e shquar të artit, luftëtarin e paepur të kauzave të qytetarëve shqiptarë, komunikatorin e talentuar, e lindur, zotin Florjan Binaj. Shpresoj që aleatët, opozitarët, të bashkohemi në këtë mbështetje ndaj një personaliteti me reputacion të gjerë, tek i cili gjejnë veten më shumë se kushdo tjetër të përfaqësuar, qytetarët e Tiranës", deklaroi Berisha.

Kujtojmë se Edi Rama shpalli si kandidate për Bashkinë e Tiranës, Ogerta Manastirliun, pas shkarkimit të Erion Veliajt i cili ndodhet në burg prej muajit shkurt. 

Të fundit