Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Zhupa: Ilir Beqaj na kërcënoi në komision, urdhëronte Policinë e Burgjeve dhe Gardën

Politiko 14 Nëntor 2024, 10:59

Zhupa: Ilir Beqaj na kërcënoi në komision, urdhëronte

Deputetja Ina Zhupa u shpreh se ish-ministri i Shëndetësisë Ilir Beqaj e ka kërcënuar në mbledhjen e fundit të komisionit hetimor të “Sterilizimit”.

Zhupa u shpreh se Parlamenti ka rënë ndërsa deputetët u lanë nën mëshirën e një hajduti 2 metra, pasi garda kishte lënë në sallë vetëm një gardist.

 “Parlamenti ka rënë. Dje deputetët e opozitës janë kërcënuar ndërkohë që po kryenin funksionet parlamentare. Asnjë dëshmitar, edhe i lirë qoftë ai, nuk lejohet të hyjë në sallën ku zhvillohen mbledhjet pa e thirrur kryetarja e komisionit.

Keni 100 gardistë që nuk lejojnë deputetët të hyjnë në sallat ku zhvillohen mbledhje, pa leje apo kur janë të përjashtuar. Policia e burgjeve, Gardistët që duhet të ishin atje nuk e ndalonin dot Ilir Beqajn sepse duke qenë 2 m dhe shok i kryeministrit e ngatërruan me Edi Ramën dhe nuk e ndaluan.

Ilir Beqaj i jepte urdhra policisë së burgjeve se çfarë duhet të bënin. Kërcënohen deputetët në sallën e Kuvendit, bëri edhe status për kushtet çnjerëzore në Kuvend.

Ne ishim në mëshirë të hajdutit 2 metra. Kam telefonuar komandantin e Gardës për të sjellë gardistët, se një kishin lënë atje. Ne jemi opozita e këtij vendi dhe do të hetojmë doni apo nuk doni ju. S’do bëjmë asnjë hap pas, do na keni përballë dhe në betejë”, tha ajo.

Të fundit