Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Ditari i Rezistencës/ 26 nëntor, dita 1 mbas tërmetit

Politiko 27 Nëntor 2019, 12:04

nga Koloreto Cukali

“Pak njerëz të mirë”

“Shrepsoj të mos çmendem me çmendurinë e shqiptarëve”, i thotë në telefon një shoqes time gazetare një italian me grupin e Mbrojtjes Civile, njerëz të specializuar për kësi rastesh që kanë ardhur në Shqipëri në një solidarizim prekës nga Kosova, Europa. Ata kanë arritur në drekë, po deri pasdite i sjellin vërdallë, i çojnë në prefekturë, i takojnë me kryetarin a kryetaren e Bashkisë (e kush i njeh anonimët e pushtetit lokal)... Djali, që mezi pret të shkojë atje ku ka nevojë, mes rrënojave të tërmetit, është i detyruar të sorollatet pa sens, në vend të punës. “Finte visite del Premier...” është një nga fjalitë që thotë.

Kjo është Shqipëria e pas Tërmetit. Edhe pse sinjali u dha në verë, askush nuk e ka vënë ujin në zjarr. Shteti i e PPP-ve nuk ka pasur asnjë shqetësim për të ngritur struktura parandaluese. Askush nuk di ku të shkojë e çfarë të bëjë. Ama, në korridoret e Kryeministrisë që tani po përgatitet si të shfrytëzohet fatkeqësia për sa më shumë PR.

Nqs ky shtet do ish marrë me katalogizimin e dëmeve e pallateve të dala nga përdorimi prej tërmetit të shtatorit, Pallati i Thumanës nuk do kish zënë njeri poshtë. Nqs Bashkia nuk do merrej me vrasjen e qenve të rrugës, por shteti do merrej me trainimin e qenve të emergjencave civile, nuk do prisnim të vinin qen nga jashtë për të gjetur viktimat nën rrënoja.

Mediat katundareske vazhdojnë të na bombardojnë me foto viktimash dhe me invazionin e termit “tërmet apokaliptik”, vepër e injorancës që është ulur në tavolinat që edhe sot duan të thithin klikime.

Por, përkundër kaosit e injorancës, në dritë, sot dolën dhe njerëzit e mirë. Ata që rrezikojnë jetën duke hyrë në gërmadha (edhe pse pa trainim e as me mjete mbrojtëse), apo ata që sollën me qindra ndihma në sheshin e Teatrit, për të ndihmuar njerëzit që do flenë jashtë sonte, në Durrës.

Sepse, njerëzit besojnë më shumë te thirrja e atyre që mbrojnë Teatrin sesa palaçollëqet e “Premierit” e të “Majorit”.

Do të duhen të paktën 2 kamionë për të transportuar këto ndihma.

Kjo do të jetë një natë e gjatë e me ankthe.

E vetmja gjë që më qetëson, është konfirmimi që ky vend nuk ka vetëm hajdutë me kollare e biznesmenë PPP-rash. Ky vend, ka, edhe njerëz të mirë.

Dhe, para se t'ju uroj një natë të mirë, me siguri e keni marrë vesh që Teatrin nuk e gjeti asgjë.

¡No pasarán!