Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Ditari i rezistencës nga Koloreto Cukali/ Artistët e Jashtëm

Politiko 8 Gusht 2019, 18:12

Ditari i rezistencës nga Koloreto Cukali/ Artistët e Jashtëm

5 gusht 2019

Tufa turistësh ndalojnë për të bërë foto para Teatrit. Dyshoj që turistët do ndalonin për të bërë foto me ato kullat e Fushës në bëhen ndonjëherë. Shpesh kalojnë dhe qytetarë kuriozë. Disave kur shëtisin në pedonale u vjen natyrshëm dhe fjalia, “kalojmë një herë andej nga Teatri?”.

Sonte, na vizitoi një çift artistësh që kanë ikur nga Shqipëria para shumë vitesh. Nuk ua përmend emrat, sepse besoj që kjo kauzë nuk ka nevojë për heronj që të përmenden me emra. Në hyrje të sheshit mbrojtësit e Teatrit kanë vënë tabelën: “Monument Kulture, Mbrohet Nga Populli.”

2 artistët janë shumë të prekur, gati të emocionuar që janë aty. “Zgjohemi në mëngjes me frikën që do të vijë lajmi se mund ta kenë shembur”, thotë gruaja. Ne jemi 6 orë para dhe shumë gjëra mund të kenë ndodhur kur në Kanada njerëzit flenë.

Jetojnë në Kanada prej shumë vitesh, kanë ngritur dhe një blog ku përkthejnë e botojnë në anglisht të tëra lajmet për Teatrin Kombëtar. “Na vjen keq që nuk mund të bëjmë më shumë”, thotë burri, regjisor, “por jemi shumë larg”.

Ata rrinë gjatë dhe me disa nga artistët që janë në këtë turn nate rikujtojnë kohët kur në Shqipëri kishte akoma shpresë dhe kur diktaturat edhe mund të përmbyseshin.

Sot duket sikur diktatura është instaluar përgjithmonë. Babloku i madh, dhe ky i Vogli, po nxjerrin përditë deklarata artistësh që sipas tyre mbështesin shembjen e Teatrit. Mua më dhimbsen ata artistë që po përdoren kësisoj për një vepër mafioze të përmasave të këtilla. Nuk do e kisha besuar që përralla për një teatër të ri të përdorej nga artistët si justifikim për shkatërrimin e Trashëgimisë Kulturore, për grabitjen e pronës publike dhe për shkatërrimin e qendrës së qytetit.

Të gjithë jemi për një Teatër të ri. Nuk do inteligjencë të madhe për të kuptuar që kjo qeveri mund ta kishte bërë një teatër të ri, DIKU TJETËR, vetëm me kostot e 1 kilometri të rrugës Milot-Balldren të cilën nuk e ka kërkuar kush!! Ajo që të habit është që disa nga artistët po pranojnë të përdoren për milionat që do bëjë dikush tjetër.

“Më thoni njërin nga ata që ka dalë hapur për prishjen e Teatrit”, thotë një gazetarë që bën dhe ai roje në sheshin e Teatrit, “T'ju them sa para ka marrë nga Bashkia apo nga Qeveria.”

Ajo që nuk dihet, është që ka shumë artistë që nuk flasin. Nuk mund të rrezikojnë vendin e punës e rrogën – jetojmë në kohërat kur arma më e fortë e Bablokut të Bulevardit dhe Bablokut të Bashkisë është heqja nga puna e atyre që u dalin kundër – por ja që ka artistë që integritetin nuk e shesin. Kanë zgjedhur heshtjen, ndërsa nga brenda shpresojnë që Teatri të mbajë akoma.

Këto ditë presim mësymjen e radhës së barbarëve.

Dy Bablokët do duan ta shembin Teatrin para vjeshtës.

NO PASARÁN!