Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

DITARI I REZISTENCËS/ Seks, gënjeshtra dhe media të blera

Politiko 28 Tetor 2019, 20:01

DITARI I REZISTENCËS/ Seks, gënjeshtra dhe media të blera

nga Koloreto Cukali

fundtetor 2019

Pas mbi 2 javë mungese jam kthyer përsëri në sheshin e Teatrit. Jeta në Shqipërinë e Lirë prej 5 mijë metrash katrorë vazhdon normalisht. Dikush ka mbjellë lule të reja në lulishte, bistakët janë shenjuar me letra të bardha që mos t'i shkeli pa dashje; turnet e rojes ndërrojnë njëri-tjetrin; shfaqjet e lira të Teatrit të Lirë ndjekin njëra tjetrën; shteti shqiptar na ka çuar 2 letra.

Letra e parë, vjen nga Ministria e Shqipërisë Autokrate, dhe i drejtohet Aleancës për Mbrojtjen e Teatrit. Aleanca, i kishte kërkuar Bashkisë dhe për dijeni Ministrisë së Drejtësisë transparencë mbi VKM-në e datë 4 prill që urdhëronte ngritjen e një komisioni që të negociojë kontratën me privatin që do marrë 5 mijë metrat e Teatrit. Letra e Ministrisë, ia ‘ngeci’ Bashkisë detyrën për të bërë transparencë.

Në të njëjtën ditë, Bashkia e Tiranës na ka nisur po ashtu një letër... por jo me firmë e me vulë. Ajo na ka nisur një “letër” përmes gojës së Kryetarit të vet të zgjedhur pa garë, z. Veliaj, i cili në mbledhjen e Këshillit Bashkiak, paska thënë që plani për ‘ndertimin’ e Teatrit do të vazhdojë.

Mediat pranë Veliajt ndërkohë kishin ngritur një shpifje të pastër: “në Teatër u bëka seks... si qentë... në mes të rrugës”, dhe këtë e bëkan “ 'artistët ' (në thonjëza) që nuk duan të prishet Teatri”.

Bëhet fjalë për një dramë, ku nuk bëhet seks, por ka performancë artistike, që nuk bëhet në rrugë, por në oborrin e Teatrit, me regjisor e aktorë të nderuar (që gazeta i quan qen), dhe për më tepër, e bëjnë artistë që në të VËRTETË kanë ngrënë një lugë çorbë të prishur dhe kanë firmosur për të prishur Teatrin. Edhe ata mund të vijnë e të bëjnë shfaqje në Teatrin e Lirë.

Pra, lajmi është një shpifje e pastër. Por, këto media nuk është se kanë interes tek lajmi e as te e vërteta. Atyre u intereson që Shqipëria Autokrate meqë nuk mundi ta pushtojë me policë, ta pushtomë me gënjeshtra propagande Shqipërinë e lirë, që është ngushtuar në 5 mijë metra katrorë.

Jam mësuar ta mbyll ditarin me një “No Pasarán”, shprehja e anitfashistëve të Luftës së Spanjës!

Gjatë këtyre javëve që nuk kam qenë, dikush më tha që pesha e kësaj fjale është shumë e madhe, dhe nuk mund të bëhet krahasim mes luftës antifashiste dhe luftës për të mbrojtur Teatrin.

Fashizmi klasik, është një Parti që merr në kontroll gjithçka. Në fillim gjunjëzon bizneset dhe i detyron të luajnë lojën e tij, dhe për të. Pastaj u mbyll gojën mediave kundërshtare, i blen ose i shkatërron. Pastaj shuan dhe çdo zë të lirë të mbetur mes intelektualëve. Pastaj lideri maksimal vendos për çdo gjë e për çdo kënd. Pastaj... pastaj çdo gjë ka mbaruar. Je në fashizëm.

Po të shohësh situatën tonë, biznesi ka kohë që është gjunjëzuar, 10 njerëz zotërojnë gjithçka. Mediat, si ajo që shpifte më lart, janë blerë dhe jë Parti e vetme zotëron tërë pushtetet. Lideri maksimal i Shqipërisë Autokrate vendos për çdo gjë...

Kanë mbetur akoma disa zëra kundër, të cilët janë ngujuar brenda 5 mijë metrave katrorë të Teatrit.

Duke perifrazuar Albin Kurtin, “Europa po ikën e frikësuar prej fashizmit”.

Por, ne nuk kemi ku ikim.

Ky është Madridi jonë.

“No Pasarán”.