Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

DITARI POLITIK

Bashkëpunim me opozitën për integrimin/ "Për tangon duhen dy", Bardhi replikon Ramën: Ti e ke zgjedhur krimin e organizuar

Politiko 23 Tetor 2024, 17:39

Bashkëpunim me opozitën për integrimin/ "Për tangon

Kryeministri Edi Rama foli sot lidhur me bashkëpunimin që duhet të ketë mes mazhorancës dhe opozitës sa i takon bashkëpunimit në procesin e integrimit të vendit në BE.

“Duhen dy për një tango, kështu që nëse nuk ka një dyshe për një tango atëherë ka vetëm një muzikë që është muzika e BE-së.

Është shkruar në mijëra partitura me detyra konkrete, me afate konkrete, me monitorim shumë të imtësishëm dhe patjetër, do ishte shumë mirë që edhe në aspektin që pyetët të ndodhte ashtu por nga ana tjetër ne nuk mund të qëndrojmë në vend dhe të vajtojmë këtë situatë.

Por duhet të vazhdojmë përpara dhe të bëjmë detyrat dhe siç e ulëm Shqipërinë në tryezën e negociatave ta ulim në tryezën e KE si vend anëtar. Kam shumë besim që më herët se sa vonë kur ende do jemi rrugës edhe kjo që ju sollët në vëmendjen që BE krejt normalisht e pretendon nga çdo vend që do të futet në shtëpinë e përbashkët do të ndodhi. Është fillimi i fundit të një historie shumë të gjatë, dhe një histori e re do filloj edhe në këtë aspekt. Do na duhet ca durim”, tha Rama gjate fjales së mbajtur në konferencën me shefen e Komisionit Evropian, Ursula von der Leyen. 

I menjëhershëm ka qenë reagimi i kreut të grupit parlamentar të Partisë Demokratike, Gazment Bardhi në një postim në rrjetin social X.

Bardhi akuzon Ramën se ka zgjedhur krimin e organizuar për tangon, duke iu referuar rastit të ish-deputetit socialist të arrestuar, Jurgis Çyrbja, Avdylajt dhe i kujton gjendjen e vendit.

Reagimi i Gazment Bardhit:

“Duhen dy për një tango pa asnjë diskutim! Dhe ti e ke zgjedhur dyshen tënde të tagos: krimin e organizuar. Ti ke vendosur të bësh tango me Altin Hajrin, që të dikton të 3 në listën e kandidatëve dhe ti i vendos firmën. Ti ke vendosur të bësh tango me Avdylajt, që të diktojnë të 5 në listën e kandidatëve dhe ti i vendos firmën. E ndërkohë që ti bën tango me krimin e organizuar, duke vallëzuar muzikën që krimi i organizuar dëshiron, opozita ka vendos të bëjë tango me interesin publik, për të vallëzuar çdo shqiptarë muzikën që përfaqëson vlerat europiane në qeverisje dhe që garanton mirëqenien e tyre”.

Të fundit