Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Diaspora në SHBA e pret Ramën me protesta, Këlliçi: E paprecedentë për një kryetar qeverie

Politiko 26 Tetor 2024, 17:19

Diaspora në SHBA e pret Ramën me protesta, Këlliçi: E

Drejtuesi politik i PD për qarkun e Tiranës, Belind Këlliçi tha se me rëndësi është që në procesin e ardhshëm zgjedhor, të shkohet atje si një proces ku ka zgjedhje të lira e të ndershme.

Për Syri Tv, Këlliçi tha se më 2025 qytetarët duhet të jenë të lirë të votojnë në bazë të programeve politike që ofrojnë partitë në zgjedhje.

“Qytetarët të votojnë në bazë të programeve të partive politike, nëse duan ndryshimin të votojnë opozitën, nëse duan një mandate të 4 socialist ta votojnë, ne jemi si Vietnami. Kemi të bëjmë me një organizatë partnere të PS, SPAK. Ka në forumin e PS, anëtarin e kreut të SPAK, Altin Dumani. Të burgosësh e iozolosh dy drejtuesit e opozitës e të mbash për 300 ditë Berishën në izolim, pa prova e fakte, është një manovër politike për t’i lehtësuar punën Ramës për mandatin e 4.

Mosbindja civile, ditën e martë, opozita do zbresë në sheshe në 6 pika kyçe, dhe Shqipëria duhet të shkëputet nga modeli i votimeve por të shkojë në zgjedhje të lira e të ndershme. Ne s’blejmë vota, e s’kemi para për të blerë vota. S’është në formimin e kësaj force politike të blejë votat. E gjejmë veten në një qeveri autoritare dhe diktatoriale, e thonë edhe mediat ndërkombëtarë, narkoshteti i parë në Evropë dhe kreu i narkoshtetit është karteli i drogës, Edi Rama”, tha Këlliçi.

Lidhur me vizitën e Ramës në New York, Këlliçi tha se Rama së pari duhet të bëjë transparencë për prezencën e tij në NBA, së bashku me bashkëshorten e tij. Ai u shpreh se është e paprecedentë për kreun e një qeverite të pritet me protesta nga diaspora.

“Një biletë për të parë ndeshjen në NBA është 8 mijë dollarë dhe nesër do jetë te padroni i tij, Alex Soros. S’ka si të mos mungojë Rama në familjen e ditëlindjen e Soros atje.

Duke qenë kryeministër meqë këto po hetohen opozita me operacione fëmija, Rama duhet të bëjë të qartë shpenzimet e ndeshjes, apo dhuratë kush ia ka bërë. Duhet transparencë se kush ia ka paguar dy biletat e nëse i ka blerë vetë të bëjë transparencë. Ka pasur karrige vip.

Janë të fyer e të ofenduar për propagandën e radhës se Ramën në Nju Jork. Është paralajmëruar prej ditësh nga shqiptarët e vërtetë, kundër një kreu të një karteli droge. Më vjen mirë nga pamjet se do ketë më shumë njerëz jashtë sallës së turpit. Është protesta e parë që ndodh kundër një kreu qeverie, e paprecedentë. Për t’u përgëzuar ata shqiptaro-amerikanë, që pjesën dërrmuese i kanë përzënë me hir apo me pahir. Reagim qytetar e spontan në Amerikë, diaspora është pjesë e rëndësishme e PD dhe opozitës.

Kanë nisur tentativat e manipulimit nga Rama dhe qeveritarët. Patrionazhistët kanë nisur të ngrenë kontaktet për të intimiduar diasporën në favor të PS”, u shpreh demokrati.