Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ditmir Bushati mesazh për vajzat dhe gratë e harruara

Politiko 8 Mars 2019, 16:29
Ditmir Bushati mesazh për vajzat dhe gratë e harruara

Ish-Ministri i Punëve të Jashtme, Ditmir Bushati në një reagim në Facebook, ka përcjellë këtë 8 Mars një mesazh për vajzat dhe gratë që zakonishisht nuk i “shohim” nga zyrat.

"Sot është dita të reflektojmë para së gjithash për vajzat dhe gratë e harruara, fuqia e butë e të cilave mban në këmbë shoqërinë tonë. Gëzuar 8 Marsin!", shkruan Bushati.

PËR VAJZAT DHE GRATË E HARRUARA!

Ka shumë vajza dhe gra ky vend që duhet ti çmojmë më shumë. Ti çmojnë bashkëshortët, fëmijët, vëllezërit, komuniteti, politika, shoqëria. E kam fjalën për vajzat dhe gratë që zakonisht nuk i “shohim” dot nga zyrat. Për vajzat dhe gratë që nuk janë pjesë e statistikave zyrtare. Janë ato vajza dhe gra që nuk ua dimë as emrat, as përpjekjen dhe as mundin. Vajza dhe gra, të cilave ia marrim për të mirëqenë kontributin për familjen dhe edukimin e brezave të rinj në një kohë gjithnjë e më të turbullt. Kam takuar shumë vajza dhe gra që sakrifikojnë papushim për një shoqëri më të denjë pa marrë mirënjohjen në këmbim. Shqipëria që dëshirojmë t’i lemë gjeneratave të tjera duhet të kthejë vëmendjen tek vajzat dhe gratë e harruara, që janë shtylla kurrizore e shoqërisë.

Një shoqëri më e zhvilluar dhe më e drejtë është ajo shoqëri që nuk i sheh çështjet gjinore thjesht dhe vetëm si çështje “kuotash”, por si pjesë e pandashme e progresit. Prandaj sot është dita të reflektojmë para së gjithash për vajzat dhe gratë e harruara, fuqia e butë e të cilave mban në këmbë shoqërinë tonë. Gëzuar 8 Marsin! 🌾

Të fundit