Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Do gjejmë format për t’u angazhuar”; a ishte kjo deklaratë e Albin Kurtit që trembi Ramën dhe e shtyu t’i hapë derën Shpend Ahmetit?

Politiko 5 Shtator 2018, 15:45
“Do gjejmë format për t’u angazhuar”; a ishte kjo

Edi Rama i ka dhënë sot një mbështetje të madhe politike rivalëve të Albin Kurtit në Kosovë. Kryeministri priti në takim Shpend Ahmetin, kryetar i Partisë Socialdemokrate, dhe dy deputetë të larguar nga Lëvizja Vetëvendosje, ish-kryetarin Visar Ymerin dhe Aida Dërgutin.

Ahmeti i ka kërkuar Ramës thellim të bashkëpunimit me Partinë Socialiste, ndërsa kryeministri u mundua të jetë më i kujdesshëm dhe deklaroi se takimi ishte fokusuar në tema me interes shtetëror dhe jo partiak.

Gjithsesi, hapja e derës së Kryeministrisë së Shqipërisë për të larguarit nga Vetëvendosja është një përpjekje për t’i dhënë goditje Albin Kurtit.

Por çfarë e ka shtyrë Ramën të marrë tani këtë vendim?

Kreu i Vetëvendosjes dha dy ditë më parë një intervistë për emisionin ‘5 Pyetjet’ në Report Tv, ku u tregua mjaft i kujdesshëm në deklaratat që i drejtoheshin Ramës dhe qeverisë shqiptare.

Por ajo çfarë mund ta ketë trembur kryetarin e PS është vendimi i Kurtit për të lënë të hapur mundësinë që Vetëvendosje të shtrihet si parti edhe në Republikën e Shqipërisë.

I pyetur për një angazhim të tillë, Albin Kurti tha se Vetëvendosje ka aktivistë në Tiranë dhe disa qytete të tjera, por nëse ky subjekt do të bëhet në të ardhmen pjesë e politikës shqiptare, vendimi i takon aktivistëve që veprojnë në Shqipëri, edhe pse ndihma nga partia mëmë në Prishtinë nuk do të mungojë.

“Ne duhet të jemi fillimisht subjekt politik dhe më pas subjekt elektoral është shumë më e lehtë dhe ndoshta e panevojshme. Por kush e di, nuk më takon mua të flas për këtë. Ne kemi shumë anëtarë të Vetëvendosjes këtu në Tiranë dhe në qytetet e tjera, varësisht nga zhvillimet politike në përgjithësi dhe prej vullnetit të këtyre aktivistëve natyrisht që do të mund të gjejmë format e angazhimit tonë. Deri më tani kemi patur një angazhim të kufizuar në Shqipëri për shkak se kemi bërë kryesisht sensibilizimin e shqiptarëve këtu për çështje të shqiptarëve jashtë ‘Shqipërisë londineze’ dhe shumë më pak për çështjet e brendshme të politikave ditore këtu. Ndihmën kryesore e kemi patur nga aktivistë të Republikës së Shqipërisë të cilët kanë ardhur dhe punojnë në Kosovë. Në organin tonë më të lartë, në Këshillin e Përgjithshëm ne kemi 10 delegatë nga Shqipëria, gjithashtu, në Kryesinë e ‘VV’, e cila ka 23 anëtarë, katër prej tyre janë nga Shqipëria. Pra me kuadro, aktivistë është ndihmuar Vetëvendosja atje, ndoshta vjen një ditë që ua kthejmë borxhin dhe bëjmë aktivitet këtu. Është herët të flasim tani. Nuk më takon mua, por aktivistëve që janë këtu. Ata e dinë më mirë se cila është forma e duhur. Ne do duhet t’i ndihmojmë për organizim këtu, por ata duhet ta kenë fjalën kryesore”, u shpreh Kurti.

Sa i përket heshtjes së Ramës për ndryshimin e mundshëm të kufijve midis Kosovës dhe Serbisë, Albin Kurti nuk bëri një koment të plotë, por kërkoi nga kryeministri shqiptar që t’i qëndrojë kërkesës që i bëri Aleksandar Vuçiçit në Beograd për të njohur pavarësinë.

Shpend Ahmeti zgjedh modelin e Edi Ramës: Duam thellim të bashkëpunimit me PS

Të fundit