Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Dokumentet/ Gënjeshtra e Erion Veliajt për ndërtimin e një kati shtesë nga Lulzim Basha

Politiko 22 Dhjetor 2018, 22:35

Disa media pranë qeverisë kanë publikuar sot një letër të vitit 2014, ku Inspektorati i Lartë i Deklarimit të Pasurive i kthen Bashkisë së Tiranës (asokohe e drejtuar nga Lulzim Basha) lidhur me kërkesën për leje ndërtimi shtesë kati të bashkëshortes së kryetarit të Bashkisë.

Kjo letër, e cila gjendet në arkivën e Bashkisë së Tiranës, është publikuar një ditë pasi kryetari aktual, Erion Veliaj, deklaroi në mbledhjen e Këshillit Bashkiak se “Lulzim Basha i ka dhënë vetes leje për ndërtimin e një kati shtesë në banesën e tij, në kushtet e konfliktit të hapur të interesit”. Për këtë shkelje, sipas Veliajt, ai do të urdhërojë prishjen e ndërtimit dhe do të dorëzojë kallëzim penal në prokurori ndaj Bashës për “ndërtim të paligjshëm”.

Por, si qëndron e vërteta ligjore?

Në vitin 2014, drejtoresha e burimeve njerëzore dhe njëkohësisht Autoritet Përgjegjës për Konfliktin e Interesave në Bashkinë e Tiranës, Lindita Dedëgjoni, i dërgon ILDKP një kërkesë për interpretim, ku kërkohet nëse është ose jo konflikt interesi rasti kur kryetari i Bashkisë i jep leje ndërtimi një familjari të tij në territorin ku ka juridiksion institucioni që ai drejton.

Inspektorati i Deklarimit të Pasurive, në letrën e publikuar në disa media, nëpërmjet Sekretarit të Përgjithshëm, pasi bën një shpjegim teorik, e orienton kërkuesin e informacionit tek Manuali nr. 3 “Për parandalimin e konfliktit të interesave…”, e më konkretisht në pikën 4.9, rasti 4.

“Boldneës.al” verifikoi rastin në Manualin e publikuar në faqen e interenetit të Inspektoratit të Lartë të Deklarimit e Kontrollit të Pasurive dhe konstatoi se rasti i Bashës nuk përbën konflikt interesi.

 

Për këdo të interesuar, po sjellim të plotë rastin e publikuar në Manualin nr.3 të ILDKP-së, për të krijuar bindjen se përse Veliaj, i cili e ka nxjerrë këtë letër dhe media të ndryshme gënjejnë hapur, kur deklarojnë se Lulzim Basha i ka dhënë vetes leje ndërtimi në kushtet e konfliktit të interesave.

Rasti 4

Kryetari i komunës Z, është njëkohësisht dhe kryetar i KRRT-së, si dhe personi i vetëm që mund të nënshkruajë lejet e ndërtimit. KRRTja shqyrton kërkesën e babait të kryetarit të komunës, për dhënie leje ndërtimi të një godine banimi, në truallin pronë e trashëguar e kryetarit dhe pjesëtarëve të tjerë të familjes së tij.

Pyetje për diskutim:

A është kryetari i komunës në konfl ikt interesi në rast se nënshkruan lejen e ndërtimit, të dhënë për babain e tij?

Përgjigje:

Leja e ndërtimit do të shqyrtohet (do të jepet ose jo) nga KRRT-ja, që është organ kolegjial. Në këtë organ kolegjial kryetari i komunës ka vetëm një votë. Megjithatë, për të shmangur konfl iktin rast pas rasti të interesit, kryetari i komunës duhet të shmanget nga vendimmarrja për dhënien e lejes së ndërtimit. Për sa i përket nënshkrimit të lejes së ndërtimit, kryetari i bashkisë nuk është në konflikt interesi, pasi pika 6 e nenit 37 të ligjit parashikon se: “Zyrtari lejohet të ushtrojë funksion dhe të kryejë detyrën me kusht që konflikti i vetëm i interesit i pashmangshëm është ai në dukje kur plotësohen kushtet e mëposhtme:

  1. a) kur ai është i pazëvendësueshëm në ushtrimin e funksioneve;

    b) dhe kur:

    i) nuk është i mundur as tjetërsimi i interesit privat, …për shkak të natyrës së tij (si lidhje familjare, komunitare etj.);

    ii) nuk ka kuptim, që për një rast konfl ikti të tillë, ai të japë detyrimisht dorëheqjen nga funksioni.

    Në një rast të tillë, vendimet e këtij zyrtari i nënshtrohen një kontrolli dhe vlerësimi të veçantë nga institucionet e ngarkuara me ligj për të kryer kontrollin e këtyre vendimeve. Vendimi dhe rezultatet e kontrollit bëhen kurdoherë publike”

Në rastin konkret, Lulzim Basha, në atë kohë kryetar i Bashkisë së Tiranës, ka nënshkruar lejen e shqyrtuar dhe miratuar nga KRRT-ja e Bashkisë ku ai nuk ka marrë pjesë. Sipas shpjegimit të Manualit të ILDKP, nënshkrimi për lejet e ndërtimit është një e drejtë e patjetërsueshme e kryetarit të Bashkisë. Pra, Lulzim Basha, në atë kohë kryetar i Bashkisë, e ka pasur detyrim ligjor nominal për të firmosur çdo leje ndërtimi të miratuar nga Këshilli i Rregullimit të Territorit, përfshirë edhe lejen e miratuar nga kjo strukturë për kërkesën e bashkëshortes së tij për shtesë pallati.

Ai përfundim;  Lulzim Basha nuk gjendet në kushtet e konfliktit të interesave, pasi procedura e ndjekur, ashtu siç është përcaktuar edhe në Manualin e ILDKP, është tërësisht konform ligjit./ Marrë nga BoldNews/

Të fundit