Flash News
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Lirohet nga qelia ish-kryebashkiaku i Fushë Arrëzit, Fran Tuci
Konstituimi i grupit të dialogut PD-PS, Bylykbashi: Prioritet është Reforma Zgjedhore
Dritan Shano: Intepretimi i Covid-19, sikur është i ndryshëm nga tjerët, që prej fillimit nuk ishte shëndetësor, por politik
Dritan Shano, ekspert i ekonomisë komenton qasjen e Organizatës Botërore të Shëndetësisë dhe qeverive përkatëse mbi pandeminë covid 19.
Në një status në Facebook, Shano shkruan se OBSH terrorizoi njerëzit për 4 muaj, ndërsa tani deklaron se virusi nuk do të largohet asnjëherë. Sipas tij të njëjtën gjë bëjnë edhe politikanët.
Shano arsyeton se intepretimi i Covid-19, sikur ky është i ndyshëm nga viruset e tjerë, që në fillim nuk ishte shëndetësor, por ishte politik. Ai thekson se rezultatet e këtij interpretimi kanë nisur të shpalosen.
Reagimi i plotë
OBSH, pasi shërbeu si dordoleci i terrorizimit të njerëzve për 4 muaj, duke shkaktuar dëme faktike të paimagjinueshme ekonomike, sociale dhjetëra fish më të larta se dëmet e imagjinuara shëndetësore të Covid-19, del dhe thotë se virusi nuk do largohet asnjëherë.
Po mirë, mo ju të OBSH, dhe ju politikanë qelbësira që zhytët botën në mjerim, po cili virus nga 370 trilionë viruse që kemi në trup, pasi është shfaqur, është larguar ndonjëherë nga jeta jonë?
Virusi kur shfaqet, nuk largohet më, por mbetet ndër ne. Dhe transmetohet brez pas brezi, si dije genetike e çdo njeriu. Çdo virus vjen me sherr në këtë botë. Zihet me qelizën. Në këtë sherr fillestar, ka njerëz që humbin edhe jetën. Por në fund fiton gjithmonë qeliza. Gjatë këtij sherri krijohet rezistenca, imuniteti i njeriut. Virusi, gjithnjë humbet, zbutet, bëhet shtëpiak, i vlefshëm për jetën, më pas bën sherre të vogla por asgjë më shumë se kaq.
Intepretimi i Covid-19, sikur ky është i ndyshëm nga viruset e tjerë, që në fillim nuk ishte shëndetësor, por ishte politik. Rezultatet e këtij "interpretimi" vetëm sa kanë filluar të shpalosen, por të gjitha ato kanë të bëjnë me kufizimin e lirive dhe mundësive të individit, duke minimizuar rezistencën e njerëzve ndaj vënies së tyre nën kontroll politik, ekonomik, shëndetësor dhe dixhital, përmes zvogëlimit të kontaktit mes njerëzve, varfërimit ekstrem dhe përkeqësimit të shëndetit imunitar të tyre.