“Duam të promovojmë Kosovën”, Dukagjin Lipa flet për ‘Sunny Hill Festival’

Këtë vit ‘Sunny Hill Festival’ do të mbledhë emrat më të fuqishëm të muzikës në botë si Miley Cyrus, Calvin Harris, Gashi, Njomza e shumë e shumë këngëtarë të njohur e muzikantë.

Ky festival pritet të mbahet në datat 2,3 dhe 4 të muajit gusht dhe teksa data e fillimit afron, organizatori i tij, Dukagjin Lipa, në një deklaratë për mediat ka folur në lidhje me këtë eveniment.

Duki është shprehur duke thënë se arsyeja e këtij festivali është promovimi i Kosovës dhe sigurisht që bota të njohë artistët e vendit tonë. Ai gjithashtu ka zbuluar se ‘Sunny Hill’ do të jetë gjithmonë në rritje, pasi çdo vit do të sjell disa nga artistët që janë në krye të klasifikimeve botërore.