Flash News

Korçë/ 66-vjeçari gjendet i pajetë brenda automjetit të djegur

Plagosja e trefishtë në Elbasan, 6 gëzhoja në vendngjarje; polici jashtë shërbimit ndoqi autorin

Të shtëna me armë në një lokal në Elbasan, plagoset kamarieri

Eurodeputeti paralajmëron Ramën: BE po i ndjek paratë, do të ketë pasoja

Zjarr përgjatë autostradës Fier–Vlorë, vështirësohet qarkullimi i automjeteve

KRYESORE

DW për Samitin e Diasporës: Shumë para për pak punë dhe shumë fjalë e pak vepra

Politiko 1 March 2019, 19:59
DW për Samitin e Diasporës: Shumë para për pak punë dhe

Në Tirana nisi sot Samiti i Dytë i Diasporës, që do të zgjasë dy ditë dhe ku janë të ftuar shqiptarë nga e gjithë bota. Samiti ka tërhequr vëmendjen e stacionit ‘Deutsche Welle', që ngre shumë pikëpyetje në lidhje me efektivitetin, koston e aktivitetit dhe rrezikun e politizimit dhe instrumentalizimit të tij.

Artur Elezi, profesor matematike dhe aktivist në Uashington, i cili ka marrë pjesë gjithashtu në samitin e parë është mirëkuptues që pritshmëritë ndaj Samitit të Dytë nuk jan aq konkrete. "Pa pasur një strukturë bashkëbisedimi nuk mund të bëhet gjë", thotë ai dhe vë në dukje se organizimi i miliona shqiptarëve në diasporë është një punë shumë e vështirë. "Me kë do të flasë qeveria? Ka milionë emigrantë dhe kushedi sa zëra! Duhet një strukturë si fillim, që të jetë përfaqësuese e Diasporës, në bisedim me qeverinë për hartimin e një strategjie afatgjate", thotë Elezi.

Rando Devole, sociolog dhe ekspert në fushën e migracionit, ka marrë pjesë në samitin e kaluar dhe madje për këtë samit është propozuar për Këshillin e Kombëtar të Diasporës, por pa dijeni te tij. Por ai e vëzhgon për së largu, nga Roma, tubimin e dytë madhështor të mërgatës në atdhe. Edhe ai i thotë DË-së se sheh një rrezik që Samiti i Dytë të shndërrohet në "një fasadë për retorikën e radhës". Devole konstaton se përparimet e bëra nga samiti i parë i diasporës, në nëntor të vitit 2016, janë shumë të vogla: Deri tani janë ngritur Agjencia Kombëtare të Diasporës. Fondi i Zhvillimit të Diasporës dhe Qendra e Botimit për Diasporën, por sipas Devoles, aktiviteti i tyre është minimal.

"Diaspora ka vite që i kërkon shtetit shqiptar akte konkrete, të prekshme, fundja të realizojë atë që ai vetë deklaron e premton me të madhe në dokumente zyrtare, por, në thelb, jemi ende në nivelin e fjalëve dhe njoftimeve", i tha Devole Deutsche Ëelle-s. I pakënaqur është Devole edhe me përgatitjet për Samitit të Dytë. Rando Devole kërkonte këto ditë me dëshpërim në rrjet listën e folësve në panel, e cila u bë e njohur vetëm një ditë para samitit, për të një mangësi që flet për mungesën e seriozitetit në lidhje me çështjet e diasporës.

Ne fund, DW konstaton se vihet re edhe nje perçarje nga pritja që po i bën diasporës elita vendore: Në samit janë ftuar të mbajnë fjalime presidenti i Kosovës, Hashim Thaçi, por jo ai i Shqipërisë, Ilir Meta, kryeministri i Shqipërisë, Edi Rama, por jo ai Kosovës, Ramush Haradinaj. I ftuar ka qenë edhe Lulzim Basha, kryetar i opozitës, i cili para pak fillimit bëri të ditur nëpërmjet një mesazhi në Tëitter-it se nuk do të shkonte në samit.

Të fundit