Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Dyshime se ka diskutuar ndarjen e Kosovës”, Rama-Haradinajt: Gënjeshtër marramendëse dhe e rrezikshme

Politiko 8 Maj 2019, 18:14
“Dyshime se ka diskutuar ndarjen e Kosovës”, Rama-Haradinajt:

Gënjeshtër të përmasave marramendëse dhe të rrezikshme e ka konsideruar kryeministri Edi Rama dyshimin e homologut Ramush Haradinaj, i cili foli për një plan për ndarjen e Kosovës. Haradinaj u shpreh sot se ekziston një plan për ndarjen e shtetit të tij dhe pjesë janë bërë Hashim Thaçi, Edi Rama, Aleksandar Vuçiç dhe Federica Mogherini.

Dhe pikërisht në krah të Përfaqësues së BE-së për Politikën e Jashtme, që ndodhet në Tiranë, Rama tha: “Sa i përket komplotit për të copëtuar Kosovën dhe për të krijuar në mënyrë të fshehtë një hartë të re të botës, më kujton atë shprehjen se “sa pa dalë Facebook-u, budallain e njihte vetëm shtëpia e vet.”

Rama tha se procesi për marrëveshjen e Kosovës me Serbinë është shumë i komplikuar dhe nuk mund të kalojë si “miu nën mustaqe”. Gjithsesi, kryeministri njoftoi se do të angazhohet më shumë mbi këtë temë kur t’i jepet mundësia.

“Nëse gjenden aq shumë budallenj që të besojnë se një proces që përfshin shtete dhe jo dy shtete, që përfshin Parlamente, parti politike, shoqëroi, votime referendare në fund, të mund të bëhet fshehurazi nga disa persona dhe të kalojë në të gjithë këtë proces që thashë “si miu nën mustaqe”, atëherë kjo botë ka marrë fund. Por unë besoj se çdo njeri i arsyeshëm e kupton se kjo është një gënjeshtër e bërë aq e pabesueshme që pikërisht të mund të shitet dhe të blihet në territorin e marrëzisë ‘online’, por më shumë unë do të angazhohem më tutje kur të më jepet mundësia”, tha Rama në krah të Mogherinit.

Çfarë deklaroi së fundmi Ramush Haradinaj: “Ekziston një dyshim i bazuar që zoti Vuqiq, zoti Thaçi dhe zoti Rama kanë pasur diskutime lidhur me ndarjen e Kosovës, ekziston ky dyshim i bazuar nuk mund ta konfirmoj, por ekziston ky dyshim i bazuar se kjo është bërë nën udhëheqjen e zonjës Mogherini, shpresoj që tani ata do t’i kërkojnë falje njëri-tjetrit për kohën që ia kanë humbur vetes dhe popujve të vet, edhe BE-së, taksa paguesve të BE-së ja kanë humb mbi një vjet kohë dhe i kanë shkaktuar humbje investimit të BE-së për më shumë Evropë.”

Të fundit