Rama me "bishën" 500 mijë dollarëshe? Politiko kontakton kompaninë GMC, sa kushton në të vërtetë makina e kryeministrit

Në mesin e zhvillimeve të së shtunës, pas betimit të qeverisë “Rama 3” para presidentit Ilir Meta, tërhoqi jo pak vëmendjen dhe kureshtjen e publikut makina luksoze me të cilën lëvizi kryeministrit Edi Rama, i cili fill pas betimit u foli Ministrave të ri për Kodin e Etikës që duhet të respektojnë gjatë këtij mandati.

Në media u tha se çmimi i makinës amerikane GMC Yukon, arrinte deri në 500 mijë dollarë, 

Politiko.al ka kontaktuar me GMC dhe ka mesuar se versioni më i shtrenjtë ‘full options’ i automjeteve të tilla të prodhimit amerikan shkon deri 85 mijë USD.  
Megjithatë, burimi i kontaktuar nga Politiko.al sqaron gjithashtu se automjete të tilla mund të pershtaten (customize) me vlere qe shkon deri në dhjetëra mijëra dollarë në varësi të aksesorëve që mund t’i shtosh.

Por, këto shtesa nuk i bën fabrika e prodhimit GMC (General Motors Corporation), por janë artizanale apo të bëra me porosi. E vetmja menyre qe makina ne fjale të shkojë deri në 500 mijë dollarë eshte vetëm nëse perveç aksesorëse shtesë automjeti blindohet.

“Dikush mund të preferojë që automjetin ta dërgojë në një kompani konvertimi që mund të bëjë çfarë të dojë. Nëse doni ta personalizoni mund të kushtojë me mijëra dollarë ekstra”, tha per Politiko nje ekspert i makinave amerikane nga ShBA.

Modifikime te  tilla, perfshire edhe opsionin blindim (armouring) ne Amerike mund te behen te Lexani Motors ne Corona te shtetit të California-s. 

Lidhur me këtë debat, ka reaguar edhe zyra e shtypit të kryeministrit Rama e cila sqaroi se makina nuk është blerë, por është në pronësi të një subjekti privat që shet e jep makina me qira.

Mësohet se Edlira Hoxhallari është subjekti privat, tek e cila Edi Rama pretendon se ka marrë me qira makinën luksoze ‘GMC’.

Hoxhallari e ka nisur aktivitetin në Maminas në vitin 2016 duke tregtuar fillimisht pjesë këmbimi për makina si dhe shitje të makinave të përdorura. Në vitin 2018, Hoxhallari ka ndryshuar objektin e veprimtarisë, duke shtuar edhe dhënien e makinave me qira.

Makina me te cilen eshte pare KM Rama kushton 82-85 mije dollare e pamodifikuar. Me aksesore ekstra kesaj shifre mun d t'i shtosh deri ne 50-60 mije USD. Vlera e saj i afrohet 500 mije USD vetem nese makina eshte e blinduar.