Flash News

Të shtëna me armë në Sarandë, plagoset një person

Raporti i KE “nxin” qeverinë: PPP-të, tenderët, Tatimet e Doganat mbeten vatra korrupsioni

Detaje nga vrasja e Edmond Sulës/ Ekzekutori u arratis në këmbë, pistat e hetimit

Shqipëria në kolonën zanore të “The Odyssey”, regjisori përzgjedh iso-polifoninë labe

Fundjavë përvëluese, temperaturat deri në 41 gradë të dielën

E-TJERA

Sulm kibernetik nga jashtë Shqipërisë, AKSHI mbyll aksesin e shërbimeve publike online dhe faqeve qeveritare

Politiko 17 July 2022, 10:35

Sulm kibernetik nga jashtë Shqipërisë, AKSHI mbyll aksesin e

Agjencia Kombëtare e Shoqërisë së Informacionit ka dalë me një njoftim, ku bën me dije se është detyruar të mbyllë përkohësisht aksesin e shërbimeve publike online dhe faqeve të tjera qeveritare për shkak të një sulmi kibernetik.

AKSHI thotë se Shqipëria po përballet me sulme kibernetike të sinkronizuara dhe të sofistikuara nga jashtë Shqipërisë.

Ndërsa kërkon mirëkuptimin e qytetarëve dhe bizneseve, AKSHI thotë se është në gatishmëri të plotë dhe po punon gjatë të gjithë kohë për të mos lejuar që ky sulm kibernetik të dëmtojë apo cenojë sistemet shqiptare të informacionit.

Njoftimi i AKSHI-t:

Agjencia Kombëtare e Shoqërisë së Informacionit i bën me dije qytetarëve shqiptarë se është detyruar të mbyllë përkohësisht aksesin e shërbimeve publike online dhe faqeve të tjera qeveritare për shkak se po përballemi me një sulm kriminal kibernetik të sinkronizuar dhe të sofistikuar nga jashtë Shqipërisë.

Për t’u bërë ballë këtyre goditjeve të paprecedentë dhe të rrezikshme, jemi detyruar të mbyllim sistemet qeveritare deri në neutralizimin e sulmeve armike.

Ftojmë qytetarët, mediat, bizneset dhe gjithë aktorët e tjerë të sensibilizohen për të thyer këtë sulm ndaj interesave kombëtare shqiptare dhe të mirëkuptojnë gjendjen e përkohshme të mos aksesimit të shërbimeve publike.

Agjencia Kombëtare e Shoqërisë së Informacionit është në gatishmëri të plotë dhe po punon gjatë të gjithë kohë me ekipin e Microsoft, ekipin e Jones Group International, dhe ekipet e kompanive shqiptare në fushën TIK për të mos lejuar që ky sulm kibernetik të dëmtojë apo cenojë sistemet shqiptare të informacionit.

 

Të fundit