10 librat e vitit 2024 sipas Ndriçim Kullës

Ndriçim Kulla është autor, përkthyes dhe botues. Libri i fundit i tij është “Narkodiktatura shqiptare në oborrin e Europës- Administrata Biden Blinken e ndihmoi –Europa heshti”.

Libri i se qeshures dhe harreses - Milan Kundera

Për mënyrën se si i “kompozon” romanet, Kundera ka thënë se imition krijimin e një simfonie muzikore, me një a disa “tema”, dhe variacione mbi këto tema. Temat e “Librit të së qeshurës” janë kujtesa dhe harresa, liria dhe shtypja, serioziteti dhe e qeshura. Variacionet e tij janë të panumërta, lëshohen drejt së panjohurës, me humor dhe dhimbje, për t’u kthyer e rikthyer përsëri.

Parajsa artificiale - Ben Blushi

Romani "Parajsa artificiale" është botimi më i ri i shkrimtarit të njohur Ben Blushi. Gjatë viteve të fundit, librat e Ben Blushit kanë qenë ndër më të shiturit në treg, madje kanë fituar çmime kombëtare dhe ndërkombëtare. Ben Blushi është përkthyer në disa vende të botës, si në Greqi, Kroaci, Bullgari, Itali, Kinë, Arabi Saudite etj.

I rënë nga qielli - Tom Kuka

Romani përshkruan në mënyrë të pamëshirshme një periudhë të rëndë në historinë e Shqipërisë përmes një galerie personazhesh, që nga banditët e rrugëve e deri te diplomatët e huaj. Në këtë libër përzihen bashkë partizanët, nacionalistët, aleatët, pushtuesit, Sigurimi i Shtetit, bandat e ’97-ës. Shqipëria është në luftë, më pas paqen e kalon si në luftë dhe në fund hyn sërish në luftë.

Më përfytyrohesh- Anisa Markarian

Përmbledhja me tregime “Më përfytyrohesh...” pasqyron jo vetëm botën e brendshme të autores, humorin e saj të hollë, aftësinë e vëzhgimit kritik dhe të zbërthimit të psikologjisë së personazheve, por edhe shqetësimet e një qytetareje, artisteje e profesionisteje, që jeton me epokën e saj.

Gjithë jeta që mbetet- ROBERTA RECCHIA

"Gjithë jeta që mbetet" fillon me ditën e fundit të jetës së mëparshme. Jeta e mëparshme ishte pothuajse e përsosur, në papërsosmërinë e saj. Familja Ansaldo përbëhej nga dy prindër të dashuruar me njëri-tjetrin. Edhe pse në moshë të mesme, dy fëmijë të lumtur, sipas mënyrës së tyre, dhe një mirëqenie ekonomike që nuk shkaktonte as marramendje e as vuajtje. Familja Ansaldo pluskonte në një përditshmëri mesatare, pothuajse huajse të mërzitshme, që mund të synohet nga shumëkush.

Të menduarit shpejt dhe ngadalë - DANIEL KAHNEMAN

Botimi i këtij libri përbën një ngjarje historike, siç ka qenë botimi i veprave si “Pasuria e kombeve” e Adam Smithit apo “Interpretimi i ëndrrave” i Sigmund Frojdit. Daniel Kahneman është njëri nga psikologët më të mëdhenj të të gjitha kohrave dhe pa dyshim psikologu më me rëndësi sot në botë.

Elon Musk - WALTER ISAACSON

Një rrëmim i hollësishëm në mendjen e trazuar të njeriut më të pasur të botës... Libri i Isaacson-it nuk është portreti hijerëndë i një kapiteni industrie, por më tepër një udhëtim rraskapitës përmes jetës së një njeriu që duket se e ka të pamundur të arrijë lumturinë.

48 ligjet e pushtetit - ROBERT GREENE

Për të gjithë që e duan PUSHTETIN, duan ta kuptojnë PUSHTETIN dhe duan të mbrohen nga PUSHTETI, 48 LIGJET E PUSHTETIT është studimi më i mirë i pushtetit dhe udhëzues i domosdoshëm i artit bashkëkohor të përfitimit dhe të përdorimit të tij.

Rebeli - ILIR IKONOMI

Ky botim trajton Nolin si politikan, drejtues shteti e reformator, ndonëse historia tregoi që mendimet dhe vizionet e tij demokratike liberale më së shumti mbetën në kuadër të një programi politik, i cili për shumë arsye nuk arriti të realizohej, madje vlerësuar sot në retrospektivë as që mund të ishte e mundur të arrihej në tërësinë e tij, në një Shqipëri sikurse ishte ajo e viteve 1920.