Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“5 maji” sërish në protestë, fermerët e Beratit dhe Fierit bllokojnë rrugën: Bukuroshi Rama ia kaloi Hitlerit

Politiko 20 Shkurt 2022, 12:12

“5 maji” sërish në protestë, fermerët e Beratit

Banorët e zonës së “5 majit” protestuan edhe sot për shembjen e banesave në kuadër të zbatimit të projektit të ri të Unazës së Madhe.

Ata kanë deklaruar se ka një devijim të projektit duke u shprehur se në fillim iu është kërkuar që planet për ndërtimin e shtëpisë, t’i spostojnë në zonën ku aktualisht janë shembur.

“Le të vijë dikush të thotë që nuk është bërë devijimi. Të bëhet Unaza por pse është bërë devijimi. Na kanë thënë mos i bëni shtëpitë këtu se do bëhet Unaza ne kemi kaluar në krahun tjetër, tani kalon atje. Si është kjo punë?”, tha njëri nga banorët.

Një tjetër, u shpreh se dikur kryeministri Rama i kishte premtuar se shtëpitë e tyre nuk do të prekeshin dhe tani po ndodh e kundërta e asaj që kryeministri ka deklaruar, sipas banorit.

“Po shpërndahen letrat e skualifikimit nga ALUIZNI, nuk bëhet legalizimi. Më kthejnë përgjigje pas 27 vitesh. Për hashashin ma solli letrën në shtëpi, na pyeti, po për rrugën na pyeti? Kanë filluar punimet. Nuk jam dakord të më prishë shtëpinë, e kam ndërtuar me djersë. Komshive të mi me 20 mijë euro ua bënë legalizimin, unë nuk kisha. Ai bukuroshi Edi më ka thënë se nuk prish asnjë shtëpi, nuk jam Hitler. Ai është kaluar Hitlerit. I lënsha Zotin!”, tha banori tjetër.

Nga ana tjetër, edhe fermerët e serave dhe blegtorët e Beratit e Fierit, kanë dalë sot në protestë. Ata bllokuan për disa orë Urën e Kuçit, pikën e kalimit që ndan dy qarqet.

Fermerët dhe blegtorët protestuan kundër 3-fishimit të çmimeve për plehrat kimike, imputove bujqësore dhe për rritjen e çmimit të naftës.

Ndërkohë që disa ditë më parë Sindikata e Fermerëve të Bashkuar i dërgoi një shkresë zyrtare qeverisë, ku kërkonte subvencione, ulje të çmimit të naftës dhe të imputove bujqësore.

Të fundit