Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

5 vite nga miratimi i Reformës në Drejtësi, ISP evidenton problematikat që e shoqëruan; 10 sfidat për vitet e ardhshme

Politiko 22 Korrik 2021, 10:41

5 vite nga miratimi i Reformës në Drejtësi, ISP evidenton

Instituti i Studimeve Politike ka reaguar për 5 vjetorin e Reformës në Drejtësi, duke bërë një përshkrim të shkurtër të asaj që ndodhi në korrik të 2016-ës. ISP kujton që parlamenti e miratoi Reformën në Drejtësi me 140 vota pro, asnjë kundër dhe asnjë abstenim.

Gjithashtu nënvizon se ndryshimet kushtetuese dhe ligjore u hartuan me nxitim dhe pa bazë të qëndrueshme referuese, duke sjellë ndërhyrje të tjera në së paku 15 prej tyre ligje dhe 3-4 herë brenda 2-3 vitesh nga i njëjti parlament.

Instituti vë theksin te puna e ngadaltë jetëzimin e kësaj reforme, ku evidenton se të gjitha institucionet e reja të drejtësisë, përfshirë organet e vettingut u krijuan ose u zgjodhën jashtë afatit kushtetues dhe ligjor.

Këtu thekson se, midis 2018-2020 Shqipëria mbeti pa Gjykatë Kushtetuese dhe Gjykatë të Lartë, midis 2017-2019 u zgjodh një Prokuror i Përgjithshëm i përkohshëm, ndërkohë që institucione si KLP mbetën për një kohë të gjatë pa anëtarë të plotë dhe SPAK u krijua pa numrin e parashikuar të prokurorëve.

Në analizën e bërë nga ISP, rezulton se gjatë 3-4 viteve të fundit në sistemin e drejtësisë u krijua një hendek në burimet njerëzore. Sipas tij, premtimi i qeverisë se Shqipëria ka kapacitete të mjaftueshme njerëzore rezultoi i gabuar dhe vuri në dilemë pritshmëritë e reformës.

Nga ana tjetër, ISP vlerëson se proceset e zgjedhjeve të anëtarëve të Gjykatës Kushtetuese dhe Gjykatës së Lartë, u shoqëruan me numër të kufizuar kandidatësh cilësor, si dhe me devijim nga standardet e larta kushtetuese në numrin e kandidatëve për vend vakant, në procedura, në lobime dhe në krijimin e precedentit të emërimeve pa vetting.

Mbi 50 çështje janë në pritje për shqyrtim në Gjykatën Kushtetuese, mbi 30 mijë në Gjykatën e Lartë dhe 2-3 herë më shumë në nivelet e tjera të gjykatave dhe në prokurori.

Instituti nënvizon se përdorimi politik i reformës për qëllime elektorale, qoftë nga sistemi i promovimit klanor apo edhe përmes denigrimit të çdo vendimmarrjeje të drejtësisë që cenon oligarkinë politike, mediatike dhe ekonomike, janë tregues i qartë se politika në tërësi nuk e ka dashur, nuk e do dhe nuk mund ta duartrokasë reformën në drejtësi.

ISP ka veçuar 10 sfida që sipas saj do të ketë Reforma në Drejtësi vitet e ardhshme, që janë: Dhënia e drejtësisë, integriteti e drejtësisë, legjitimiteti i drejtësisë, kultura e drejtësisë, shumë institucione pak përgjegjësi, fundi i periudhës transit, SPAK si zgjidhje apo si zgjedhje, koha për reformë shqiptare të drejtësisë, reforma nuk mund të dështojë dhe nevoja jetike për monitorimin e reformës.

Më poshtë mund të shikoni analizën e plotë të sfidave