Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Administrata lë punën për "like" e "share", eksperti i IT: Në mbledhjet e qeverisë diskutohet performanca në FB

Politiko 31 Janar 2023, 09:08

Administrata lë punën për "like" e "share",

Qeveria Rama ka vendosur prej disa muajsh në zbatim dhe të detyrueshëm aplikacionin e quajtur “Aktivisti”, për t’u përdorur për punonjësit e administratës shtetërore të të gjithë niveleve.

Eksperti i IT, Gent Progni ka thënë se të punësuarit në administratë e deri tek ministrat në mbledhjet e Këshillit të Ministrave, kanë shqetësim kryesor menaxhimin e rrjeteve sociale dhe aktivitetin sa më të lartë të këtyrë faqeve në internet për të rritur fiktivisht imazhin. Kjo shtoi ai, është zbuluar falë të dhënave të aplikacionit “Aktivist”.

Ai tha për “Panorama e Mëngjesit” se administrate detyrohet të rrijë gjatë në këtë aplikacion, duke i marrë disa orë në ditë kohë, në vend që të merren me problematikat që shqetësojnë qytetarët.

“Pame pse ky Facebook i ministrave dhe kryeministrit ishin shumë aktivë si ka mundësi se ishte dicka shumë e sforcuar. Nga investigimi doli ky app, Aktivist. Nga hulumtimi që i bëmë app kishte shumë probleme të mëdha.

Shoh probleme tek instalimi dhe post instalimi, të merr gjithë akseset, kamerat, regjistrimi zëerit, vendndodhjen, fotot. Kur instalohej duhej ta lidhje me llogarinë e rrjeteve sociale që të kontrolloheshe për veprimtarinë tënde.

Zbuluam URL që përdoreshin për këtë sistem. Zbuluam një pdf që mbledhjet e qeverisë nuk diskutonin më problemet e shqiptarëve por ktë pdf, postimin më të mirë më të keq të javës, profilet më të mira e më të këqija.

Kur nisën publikimet nisën dhe denoncimet e para. Më kanë shkruar shumë njerëz për presionet që kanë marrë nga drejtorët për instalimin, për aktivitetin që bënin, pse s’bën like e share. Pra çdo gjë bëhej për fasadë për të rritur audiencën në FB e gjithë kjo audiencë ishte fiktive, e rremë dhe s’kishte asgjë të vërtetë në statistikat e saj.

Problemi tjetër që shoh në pjesën fundore të app bëhet dhe analizë ku shihet sa orë rri në app, tërhiqet vërejtje kur nuk rri aq sa duhet. Harxhohet shumë kohë në administratë sidomos muajin e fundit për t’u marrë me këtë gjë e nuk merren me problemet e njerëzve”, tha ai.

Një tjetër problem që shihet sipas ekspertit të IT, është se teksa jemi pak muaj para zgjedhjeve lokale, janë shtuar frikshëm shkarkimet e aplikacionit në telefonat e shqiptarëve.

“Dje kemi parë një shqetësim të fundit që kemi 10 mijë shkarkime në Android, që është shifër shumë e madhe”, tha ai.