Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Analisti Burimi: SPAK duhet të thërrasë Bashën, që pretendon se ka prova kundër Berishës

Politiko 21 Nëntor 2021, 08:50

Analisti Burimi: SPAK duhet të thërrasë Bashën, që

Analisti Genc Burimi u shpreh se SPKAK-u duhet ta thërrasë kreun e opozitës Lulzim Basha, kur ky i fundit pretendon se ka prova dhe fakte kundër Berishës.

I ftuar në Ora News, Burimi tha se kryedemokrati fshihet pas argumentave amerikanë, teksa pohoi se edhe ish-lideri Berisha ka të drejtë për një proces legjitim.

“Është një luftë brenda partisë, për fronin e kryetarit të partisë. Është një luftë më se normale. Ajo që më habit në këtë rast është se Lulzim Basha  fshihet pas argumentave amerikanë, që për mua nuk është argument. Nuk është punë e amerikanëve, është çështje e demokracisë. Në çdo demokraci, çdo person që akuzohet ka të drejtë të kërkojë prova për akuzat që i bëhen. Për mua sot SPAK-u duhet të thërrasë Lulzim Bashën, i cili pretendon se njeh provat kundër Berishës, prova që i ka dhënë një zyrtar i lartë amerikan. Dhe këto prova i çohen drejtësisë. Je parti demokratike, jo parti amerikane. Pra vlerëso, respekto të drejtat e njeriut. Cilido qoftë Sali Berisha, krimineli më i madh, hajduti më i madh, dhe ai ka të drejtë për një proces të drejtë legjitim. Në Francë sot gjykojmë vrasësin që i mori jetën 130 francezëve të pafajshëm në një sallë spektakli. Dhe ai kriminel i madh ka të drejtë për gjyq. Kjo është demokracia. Nëse ka prova t'i çojë drejtësisë”, tha Burimi.

Sipas analistit, Basha pengohet nga presioni nën të cilin ndodhet, teksa shton se strategjia që po përdor tani për Berishën, duhej të ishte përdorur me kohë.

“Sepse  edhe ai është nën presion. Mbi të ka dhe një shantazh nga amerikanët. Ai është i detyruar të ndjekë amerikanët deri në fund. Po sikur Bashës t’i thonë je i korruptuar pa prova? Tani ka ndërruar strategji. Po përballet me Berishën. Këtë strategji ta kishte bërë prej kohësh. Të kishte bërë bilancin. Basha s'ka bërë asnjëherë bilanc”, u shpreh analisti.

Të fundit