Armë dhe trafik narkotikësh/ Britania nxjerr emrat e 5 shqiptarëve më të rrezikshëm që i shpëtojnë deportimit

‘The Telegraph’ ka nxjerrë identitetin e 5 shqiptarëve (emigrantë të paligjshëm) të cilët kanë arritur t’i shpëtojnë disa herë depërtimit dhe janë rikthyer sërish në Britaninë e Madhe për të vijuar aktivitetin e tyre.

Media britanike shkruan se “kriminelët shqiptarë të deportuar nga Britania për drogë dhe dhunë po kthehen fshehurazi në Britani”. Sipas artikullit, janë 5 shqiptarë të rrezikshëm të deportuar për vepra të ndryshme duke përfshirë përdorimin e armëve të zjarrit e deri te shpërndarja dhe kultivimi i kanabisit.

Më shumë shqiptarë po i drejtohen kontrabandistëve për të kaluar Kanalin Anglez me varka të vogla, duke përbërë katër në 10 nga të gjitha mbërritjet gjatë një periudhe gjashtëjavore këtë verë.

Kriminelët shqiptarë përfaqësojnë grupin më të madh të shtetasve të huaj në burgjet e Mbretërisë së Bashkuar, me më shumë se 1500 të burgosur. Ata përbëjnë rreth 10 përqind të të burgosurve të huaj të burgjeve, nga dy përqind në 2013. Rreth 487 u dëbuan këtë vit, dyfishi i numrit të një viti më parë.

Një gangster shqiptar, i cili u kthye fshehurazi në Mbretërinë e Bashkuar pasi u deportua dhe jetoi i lirë për vite të tëra, u kap përfundimisht me dy armë të mbushura dhe kanabis me vlerë 70,000 paund.

I pari është Mauricio Myftaraj, i dënuar me 15 vite burg për armë zjarri dhe drogë, pasi policia kontrolloi shtëpinë e tij, ku gjetën edhe 40 fishekë, barut, dhe 20 mijë paund cash.

Myftaraj u deportua dhe u ndalua të kthehej në vitin 2015, pasi u burgos për një vepër të armëve tre vjet më parë. Ai arriti të kthehej ilegalisht dhe vazhdoi përfshirjen e tij në krimin e rëndë dhe të organizuar.

Një tjetër tregtar droge, Xhenson Duka, u kap me kokainë me vlerë më shumë se 10 mijë paund dhe një thikë pasi u kthye pasi u deportua. Ai u burgos në Maidstone Croën Court për tre vjet dhe që atëherë është deportuar.

Flogert Farruku, i gjetur duke punuar si "kopshtar" në një fermë kanabisi prej 60,000 £, më parë ishte deportuar pasi ishte kapur duke bërë saktësisht të njëjtën punë. Tani ai është arrestuar sërish dhe pasi të lirohet do të përballet sërish me deportim.

Arjan Kikija, një emigrant trafikant droge, i cili tashmë ishte deportuar përpara se të kthehej në Basildon, u përpoq të mashtronte policinë me letërnjoftime false. Ai u burgos për më shumë se dy vjet pasi u kap me dokumente të falsifikuara dhe armë dhe u deportua për herë të dytë.

Gramos Tota 33 vjeç, i cili u arrestua në Britaninë e Madhe në gusht 2020 me një urdhër nga Shqipëria për të shtëna në trafikun rrugor me armë kallashnikovi, besohet të jetë i lirë në Mbretërinë e Bashkuar pasi u lirua nga magjistratët londinez. Gjyqtari vendosi se Tota e kishte vuajtur dënimin ndërsa ishte në paraburgim në procedurat e ekstradimit.

Bandat shqiptare, të cilat tradicionalisht kanë dominuar importin dhe shitjen e kokainës, po marrin gjithnjë e më shumë tregun e fermës së kanabisit, ndërsa shfrytëzojnë ligjet moderne të skllavërisë për të shmangur ndjekjen penale.

Hetuesit thonë se shqiptarët sollën një profesionalizëm të pamëshirshëm në kultivimin e kanabisit që ka zëvendësuar vietnamezët si burimi kryesor i prodhimit vendas të drogës.