Flash News

Interi prezanton zyrtatrisht trajnerin e ri, Cristian Chivu

Berisha nesër në SPAK, arsyeja

Ukraina dhe Rusia shkëmbejnë një numër të madh të burgosurish

Prokurori Hyrjet Lamaj kundërshton shkarkimin e tij në KPA

Zgjedhjet Lokale në Kosovë do të mbahen më 12 Tetor

E-TJERA

Audio-përgjimi/ Reagon Conad: Nuk kemi marrëveshje me Doçin, çdo kontratë e jona transparente dhe ligjore

Politiko 23 Mars 2023, 20:25

Audio-përgjimi/ Reagon Conad: Nuk kemi marrëveshje me Doçin,

Në audiopërgjimin e publikuar së fundmi gazetari Adriatik Doçi, ka thënë se ka marrëveshje me rrjetin e supermarketit Conad.

Marrëveshja, shpjegon më tej, konsiston në mospublikimin e denoncimeve që mund të ndikojnë në prishjen e imazhit të Conad.

“… Atë që ka Conadi-n unë e kam marrëveshje. Kam marrëveshje që unë nuk e sulmoj. Mua më vijnë denoncime: i ka produktet e prishura. Po ta nxjerr një herë, dy herë, tre herë, ti nuk shkon më të blesh atje. Unë kam marrëveshje që të mos sulmohet. Në këmbim të kësaj marrëveshjes lidh kontratën, kontratë reklamimi quhet”, thotë ai.

Së fundmi për këtë akuzë ka reaguar dhe “Conad”  teksa thotë se nuk ka asnjë marrëveshje të tillë me gazetarin në fjalë.

Në një reagim, kompania pranon se ka një “marrëveshje transparente dhe ligjore” me televizionin ku është i punësuar Doçi, “Report TV” me kohëzgjatje nga nëntori 2022 deri në prill 2023 dhe që konsiston me sponsorizimin e një emisioni gatimi, i cili transmetohet çdo mëngjes.

“Pas deklaratave të fundit, të botuara sot në disa portale dhe rrjete sociale, të marra nga përgjimet, ndoshta të nxjerra jashtë kontekstit, në të cilat flitet për marrëveshje hipotetike jotransparente që përfshijnë, ndër të tjera, emrin e Conad, ndiejmë për detyrë të sqarojnë opinionin publik se: Conad Albania nuk ka asnjë lloj marrëveshjeje me gazetarin Doçi, por vetëm ka nënshkruar marrëveshje publiciteti ligjore dhe transparente me disa televizione, përfshirë edhe Report TV. Më konkretisht, marrëveshja e fundit e nënshkruar me Report Tv dhe që zgjat 6 muaj, nga nëntori 2022 deri në prill 2023, ka të-bëjë me sponsorizimin e një emisioni gatimi, i cili transmetohet çdo mëngjes”, thuhet në reagim.

Audio-përgjimi/ Reagon Conad: Nuk kemi marrëveshje me Doçin,

Të fundit