Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“BE e mirëpret Open Balkan”, zëdhënësja e KE: Inkurajojmë të 6 liderët e Ballkanit, përshpejton integrimin

Politiko 14 Gusht 2021, 14:04

“BE e mirëpret Open Balkan”, zëdhënësja e KE:

Zëdhënësja e Komisionit Evropian për Fqinjësi dhe Zgjerim, Ana Pisonero deklaroi se Bashkimi Evropian e mbështet nismën “Open Balkans” të tre vendeve të Ballkanit Perëndimor, Shqipërisë, Maqedonisë së Veriut dhe Serbisë.

Në një intervistë për Report Tv, Pisonero inkurajoi tre vendet e tjera Bosnjë-Hercegovina, Mali i Zi dhe Kosova t’i bashkohen nismës për të krijuar një treg të përbashkët rajonal.

“Ne e mirëpresim iniciativën e liderëve për forcimin e bashkëpunimit rajonal, në disa nga elementët më të rëndësishëm edhe në perspektivën evropianë të Ballkanit Perëndimor dhe pjesë integrale e procesit të stabilizim-asocimit. Në këtë aspekt është e rëndësishme që vendet të arrijnë të ecin para dhe të krijojnë një treg të përbashkët rajonal, një angazhim i ndërmarrë nga të 6 liderët ballkanik në Samitin e Sofjes, vjeshtën e kaluar. Kjo do të ndihmonte ata, para se të bëheshin pjesë e Bashkimit Evropian dhe sigurisht që kjo do të ndikonte në përshpejtimin edhe të procesit të negociatave. Ne i inkurajojmë të 6 vendet të vazhdojnë në këtë rrugë”, u shpreh Pisonero.

Sa i përket mbështetjes së Bashkimit Evropian në këtë nismë, Pisonero u shpreh se BE është e gatshme t’i përdorë investimet e saj në mënyrën e duhur me të gjitha mundësitë që sjell plani.

“Ajo që mund të them është se ne po sjellim shumë mundësi investimesh në rajon, nëpërmjet planit ekonomik dhe investimeve. Ajo çfarë mendojmë ne është se ka ardhur koha për rajonin t’i përdorim ato si duhet dhe të përdorin të gjithat mundësitë që ky plan mund të sjellë, sigurisht një ndër to edhe krijimin e një tregu të përbashkëta rajonal bazuar në rregullat e Bashkimit Evropian”, shtoi zëdhënësja e KE.

Pisonero tregoi edhe planet e Bashkimit Evropian për rajonin ballkanik, teksa theksoi se është aktivizuar një plan ekonomik investimesh i cili mund të sjellë 30 miliardë euro për rajonin në formën e granteve dhe huave. Plani në fjalë, sipas saj, synon të forcojë marrëdhënien e BE-së mes vendeve dhe të mbështesë integrimin evropian.

“Ne kemi aktivizuar një plan ekonomik të investimeve që mund të aktivizojë deri në 30 miliardë euro për rajonin, në formën e granteve dhe dhënien e huave me kosto të përshtatshme dhe kjo do të ndihmonte në zhvillimit afatgjatë të rajonit, për të krijuar le të themi kushtet e përshtatshme për integrim në BE. Ky plan synon të forcojë bashkëpunimin mes vendeve dhe BE-së për të arritur integrimin rajonal, kapitalin njerëzor dhe gjithashtu aftësitë konkurruese në rajon e cila do të nxitë zhvillimin ekonomik të brendshëm dhe sigurisht ne do të ndihmojmë me tranzicionin Green dhe digjital, të cilat mendojmë se është një nga elementët thelbësorë të Rimëkëmbjes së Rajonit. Ky plan është pjesë integrale e Bashkimit Evropian për të mbështetur vendet e rajonit në rrugën e integrimit evropian, e cila sigurisht që sjell përfitime për të dyja palët edhe BE-në edhe vendet e Ballkanit”, u shpreh Pisonero.

Pisonero pohoi se nuk ka ende një datë për Konferencën e Parë Ndërqeveritare për Shqipërinë, pasi vendimi merret nga Këshilli. Pisonero tha se për Komisionin Evropian Shqipëria dhe Maqedonia e Veriut e meritojnë të ecin përpara drejt integrimit evropian.

“Siç e dini ky është një vendim që merret nga Këshilli. Këshilli nuk ka marrë ende një datë, sepse nga ana jonë, komisioni Evropian ne jemi shumë të qartë , për ne Shqipëria dhe Maqedonia e Veriut e meritojnë dhe që duhet të ecim përpara në integrimin evropian. Ne urojmë mbajtjen e konferencës së parë ndërqeveritare sa më parë të jetë e mundur”, përfundoi zëdhënësja e KE.