Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

COVID-19 i merr jetën 28-vjeçarit, kolegët mesazh prekës: Një nga të rinjtë më të talentuar që kam njohur! Le pas boshllëk dhe dhimbje

Politiko 13 Tetor 2020, 11:14

COVID-19 i merr jetën 28-vjeçarit, kolegët mesazh prekës:

Një tjetër i ri shqiptar ka humbur jetën nga COVID-19. Bëhet fjalë për 28-vjeçarin, Geri Lika, i cili ishte shtruar prej ditësh për trajtim në Turqi, por që fatkeqësisht ka humbur betejën me virusin vdekjeprurës. Lajmin për vdekjen e arkitektit e kanë bërë me dije miqtë e tij.

Përmes postimeve në rrjetet sociale, miqtë dhe kolegët e Likës kanë shprehur ngushëllimet e tyre përmes fjalëve prekëse.

"Ca fjalë zemre e lamtumire për Geri Lika
Një nga më të talentuarit të rinj që kam njohur, arkitekt dhe bashkë-themelues i 1ClickArchitects!
Nuk kam fjale të përshkruaj tronditjen që na ka shkaktuar humbja e tij neve që e njihnim prej nje viti dhe vetëm mund t’a marrim me mend dhimbjen shkatërruese për Olen e tij, nënën, babain, motrën e gjithë të afermit e tij.
Flasim për Geri Lika, ky djalë i pashëm, i mençur mbi moshën e tij veç 28 vjeçare, i talentuar, i qeshur dhe me humor të hollë, i menduar dhe i planifikuar në çdo hap me mendime e ëndrra për të, Olën dhe 1ClickArchitects.
Ishte një vit i jashtëzakonshëm për të tre ata, me plane, me zbatime dhe paralelisht ecje dhe Geri plot entuziazëm dhe pa asnjë merak, se ‘”gjërat po ecin mirë, shume mirë Lida”.
Kujtoj cdo sesion-takim me Gerin dhe Olën dhe çdo të Shtunë të Suksesshme me grupet e VeproACTS dhe do mbaj të shtrenjta në kujtesë çdo mendim e kontribut të Gerit, çdo ide e përpjekje të tij për të ndërtuar një kompani mirëfilli arkitekturore.

Kujtoj takimin e parë me Gerin dhe Olën te Qendra Stefan, një djalosh që duke folur pak, me tregoi shume për vizionin që kishte për jetën e tij dhe të Oles përmes 1ClickArchitects.
E lumtur isha që po njihja dy të rinj që të ardhmen e shihnin këtu, në Shqipëri, me punë të ndershme, me vizion të madh dhe me vullnetin e jashtëzakonshëm për t’a kthyer në realitet ëndrrën e tyre të nisur që në bankat e shkolles së lartë, biznesin e tyre.
Përgjatë punës bashkë, u kthyen në dy miq të shkëlqyer dhe si në takimet me ta si çift, edhe në seminaret në grupet e VeproACTS, shtonin vlerë me mendimet e tyre te pjekura, me bagazhin e pamasë të njohurive, si dhe me humorin që Geri dhe une e drejtonim drejt Olës, Arjola Kuqi, qendrës së tij të interesit dhe dashurisë.
Geri Lika, le shumë, shumë trashëgimi për kaq pak vite jetë, dhe le kaq shumë dashuri te të gjithë që të njohëm.
Le shumë pa jetuar dhe dhimbje të pamatë te Ola, nëna, babai, motra dhe gjithë sa ti doje.

Le boshllek dhe dhimbje edhe te ne, grupet e punës te programit VeproACTS.
Shumë…
Falenderurse Perëndise që të njoha ty dhe miken për jetë Olen tënde", shkruhet në mesazhin e një prej kolegëve.