Deklarata e parë e Grupit të Rithemelimit të PD-së: Lulzim Basha ka humbur çdo funksion dje me 4446 vota pro

Komisioni i Rithemelimit të Partisë Demokratike ka bërë deklaratën e parë pas krijimit ditën e djeshme në Kuvendin Kombëtar të thirrur nga Sali Berisha. Komisioni i Rithemelimit të Partisë Demokratike i konsideron vendimet në Këshillin Kombëtar që u mbajt sot, si "nul".

Në këtë deklaratë bëhet me dije se simbolet dhe logoja e PD-së janë rikthyer tek origjinali mbi të cilin u hartuan 31 vite më parë,.

Kujtojmë se Këshilli Kombëtar vendosi shkarkimin e kryetarit Edi Paloka, 5 anëtarëve të Kryesisë dhe 4 Sekretarëve, të cilët mbështetën Berishën në Kuvendin e 11 dhjetorit.

Deklarata e plotë:

Komisioni për rithemelimin e Partisë Demokratike verën se në një kohë që ka nisur puna për rikthimin e Partisë tek vlerat demokratike, konservatore dhe idealet e dhjetorit 1990-të, persona që përveç humbjes, nuk përfaqësojnë më asgjë në Partinë Demokratike vijojnë të përdorin simbolet godinën dhe disa anëtare, me shpresën se do vazhdojne pazaret ne kurriz te demokrateve.

Ju bëjmë me dije se më 4446 vota Kuvendi Kombëtar vendosi për shkarkimin e Lulzim Bashës si kryetar dhe që prej ditës së djeshme ai ka humbur çdo funksion tjetër përveç atij të deputetit.

Falenderojme shumicen e anetareve te Këshillit Kombëtar qe ju pergjigjen thirrjes se Komisionit te Rithemelimit per te bojkotuar tallavane e deputetit Basha. Ashtu sic dhe e kemi theksuar mbledhja e sotshme është nul, e paligjshme dhe çdo produkt i dalë prej saj është në kundërshtim me frymën dhe vendimet e Kuvendit Kombëtar si organi më lartë i Partisë Demokratike.

Kuvendi Kombëtar i datës 11 dhjetor me vullnetit e lirë të delegatëve ka miratuar statutin e ri e të Partisë Demokratike i cili është dokumenti themeltar mbi të cilin do të bazohet ringritja e Partisë Demokratike

Bejme me dije, se nga data 11 dhjetor, simbolet dhe logoja e Partisë Demokratike është rikthyer tek origjinali mbi të cilin u hartua para 31 viteve. Nga dje çdo dokument zyrtar i PD që mbart logon e vjeter është i pavlefshëm.

I kujtojmë anetareve të familjes sonë të përbashkët se,  nisma për rithemelimin e Partisë Demokratike është lëvizja më pro amerikane, pro perëndimore dhe pro demokratike që ka ndodhur ndonjëherë në shqipëri pas dhjetorit 1990 pasi ne themel te saj qendrojne vota e lire dhe respekti per statutin e PD si kontrata jone e perbashket me cdo demokrat. Kurre me ne PD nuk do te shiten dhe blihen mandatet e deputeteve! Nga sot e tutje ato do vendosen me transparence te plote nga vota e anetaresise se saj permes primareve.

Nisma për rithemelimin e PD erdhi si domosdoshmëri pas veprimeve të dyshimta dhe korruptive me të cilat ish kryetari i dha oksigjen qeverisë Rama në tetë vite rresht.

Komisioni për Rithemelimin e Partisë Demokratike, vijon punën për referendumin e datës 18 dhjetor i cili me votën e antarësisë do te certifikoje perfundimisht ndarjen nga humbesi i stazhionuar dhe do ti hapë rrugën një proçesi të ndershëm sipas parimit një antar një votë për zgjedhjen e kryetarit të ri.

I ftojmë të gjithë antarët e familjes sonë të madhe të punojmë për një Parti Demokratike më të fortë, më të bashkuar dhe më demokratike.

Komisioni për Rithemelimin e PD