Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Denoncon gazetari: Çdo 2 javë urdhërohet të ndërpiten analizat në sallat e operacionevenë të QSUNT

Politiko 2 Nëntor 2024, 11:17

Denoncon gazetari: Çdo 2 javë urdhërohet të

Gazetari Osman Stafa ka denoncuar një skandal tjetër nga Qendra Spitalore Universitare 'Nënë Tereza' në Tiranë.

Në rrjete sociale, ai shkruan se njëherë në 2 javë, vjen urdhëri që në sallat e operacioneve të ndërpiten analizat. Sipas tij, as edhe një analizë e thjeshtë nuk mund të kryhet për pacientët që do hyjnë në operacion.

Ai shton se mjekë me një eksperiencë mbi 20-vjeçare i kanë rrëfyer se situata është shumë e rëndë, pasi nuk kanë instrumentat e nevojshëm për operacionet.

"Sallat e operacioneve në QSUNT në KOLAPS
A e imagjinoni që edhe në sallat e operacioneve të ndërpiten analizat? Pra njëherë në 2 javë, vjen urdhëri që nuk mund të bëhet as edhe një analizë e thjeshtë për pacientët që do hyjnë në operacion. Kjo ndodh në të gjitha sallat e operacioneve.
Mjekë me një eksperiencë mbi 20-vjeçare më tregojnë se situata është shumë e rëndë, pasi nuk kanë instrumentat e nevojshëm për operacionet.
Aty mungojnë shiringat. Aty veglat duhen ndërruar. Mungojnë klipat e mëdhej. Garza nuk ka në sasinë e kërkuar. Etj etj etj.
_______________________
E gjitha çfarë them vërtetohet shumë kollaj. Të bëhet transparencë mbi kërkesat që bëjnë sallat operatore, dhe çfarë u çon Farmacia Qëndrore. (Vetëm uroj që tani mos të fillojnë pavionet të kërkojnë sasi të vogla medikamentesh dhe instrumentash, se do bëhen bashkëpunëtorë në krim).
Nuk mundet që pacientët të trajtohen kështu.
Nuk mundet që mjekët të punojnë kështu.
________
Vetëm dje, pasi denoncova që në Pavionin e Kirurgjisë, s'ka defibrilator, shkoi. Nuk e di ku e gjetën, por e çuan. Ata mjekë aty e dinë shumë mirë sesi para dy vitesh, në pacient, i shtruar në një dhomë me 4 shtretër humbi jetën.
Pse? Ai bëri arrest kardiak. Krevati i tij ishte larg derës dhe një krevat tjetër i pamundësonte lëvizjen. Barrelë nuk kishte. Defibrilatori ishte në reanimacion. Pacienti vdiq. Ndoshta, po të kishin pasur defibrilatorin aty, do ishte gjallë.
Mjekë të nderuar, unë nuk jam armiku juaj. Jam ndihma juaj, që punën ta bëni lehtësisht. Unë jam kundër sistemit dhe kundër kujtdo që mbron këtë sistem. Unë nuk përfaqësoj asnjë interes. Për këtë do dëshmoj koha dhe Zoti. Aty është guximi im. Më ndihmoni. Unë ju siguroj me jetë që çfarëdo informacioni që më jepni, do mbetet anonim.Unë besoj fort se në këtë sistem ka njerëz të mirë që nuk e pranojnë këtë realitet. Duhet të bëhemi bashkë. Mjafton që gjërat që nuk shkojnë të fliten. Të fliten sepse zgjidhen.
Fola për mungesën e kimiove tek Onko-Hematologjia Pediatrike, s'ka mungesë më prej 2 vitesh. Mungesat më herët ishin të frikshme.
Onkologjiku? Nuk është më ai i mungesave të frikshme, edhe pse vëmendja ime prej aty nuk do ikë asnjëherë. Pyesni mjekët e Onkos, a kanë pasur ndonjëherë ilaçe si këto kohë? Plasi donacioni në Farmacinë Qëndrore si asnjëherë më parë dhe tani po bëjnë furnizime të vazhdueshme.
E radhës? Kirurgjia, sallat e operacioneve në gjithë QSUT. Është skandal ajo çfarë po bëhet aty.
POR EDHE TEK NEUROLOGJIA, INFEKTIVI, FRANCEZI, PEDIATRIA, SITUATA QËNKA SHUMË E RËNDË. POR ME RADHË", shkruan gazetari.