Dëshmia e Dumanit/ Kush është ‘supergrabitësi’ i Elbasanit që iu sekuestruan 5 mln euro pasuri

Dëshmia e Nuredin Dumanit ka vënë në pranga disa persona të kërkuar për vrasje, trafik droge e krime të tjera, ndërsa ‘të fortët’ janë ende në kërkim.

Së fundmi, policia zbarkoi në Elbasan ku vuri në pranga disa të kërkuar, ndërsa ishte në kërkim të Talo Çelës. Nga operacioni u arrestua Kelmend Xhaferri i njohur si “Kel Çami”, i kërkuar për vrasjen e Pjerin Xhuvanit.

Dëshmia e Dunamit vuri në pranga edhe Gentian Sharrën, i njohur si i forti i Elbasanit, i përfshirë në një seri grabitjesh nga viti 2011 e deri te grabitja në Rinas. Nga operacioni i djeshëm policia ka sekuestruar disa pasuri të Sharrës me vlerë 5 milionë euro.

Në mesin e pasurive bëjnë pjesë vila luksoze, biznese, toka si edhe 4 automjete në pronësi të Gentian Sharrës dhe familjarëve të tij.

Konkretisht, janë sekuestruar:

-1 vilë luksoze në lagjen Katund i Ri, Elbasan, biznes fason dhe tokë arë;

-Truall dhe ndërtesë, me sipërfaqe 120 m2, në lagjen Katund i Ri, Elbasan, në pronesi të Gentian Sharra;

-Tokë arë me sipërfaqe 15680 m2  dhe ndërtesë me sipërfaqe 119.8 m2,  në lagjen Katund i Ri, Elbasan, në pronësi të shtetasve Mustafa Sharra dhe Gentian Sharra;

-Tokë arë me sipërfaqe 3533  m2, në lagjen Katund i Ri, Elbasan, në pronësi të Mustafa Sharra dhe Gentian Sharra;

-Pasuri tokë arë me sipërfaqe 4170 m2, në lagjen Katund i Ri, Elbasan, në pronësi të Gentian Sharra;

-Pasuri tokë arë  me sipërfaqe 4050 m2, në lagjen Katund i Ri, Elbasan, në pronësi të Mustafa Sharra.

-Pasuri tokë arë me sipërfaqe 3533 m2, truall me sipërfaqe 208.1 m2  dhe ndërtesë, në lagjen Katund i Ri, Elbasan, në pronësi të Gentian Sharra.

-Pasuri tokë arë me sipërfaqe 394 m2, në lagjen Katund i Ri, Elbasan, në pronësi të Mustafa Sharra dhe Gentian Sharra.

Gjithashtu janë sekuestruar 4 automjete në pronësi të shtetasit Gentian Sharra dhe të familjareve të tij.