Diaspora për Shqipërinë e Lirë paralajmëron administratën publike: Hiqni dorë nga patronazhimi, do përballeni me ligjin!

Diaspora për Shqipërinë e Lirë ka paralajmëruar administratën publike, të heqin dorë nga ‘patronazhimi’ i qytetarëve dhe i punonjësve.

Përmes një deklarate publike të shpërndarë në rrjetet sociale, Diaspora për Shqipërinë e Lirë, thekson se neutraliteti i administratës publike dhe drejtuesve të shtetit është një detyrim ligjor.

Për këtë, Diaspora për Shqipërinë e Lirë thotë se çdo përpjekje për të përdorur pushtetin shtetëror për interesa politike ,është një sulm ndaj demokracisë dhe do të ndëshkohet sipas ligjit.

Deklarata

 Të gjithë qytetarëve që punojnë në funksione shtetërore, të cilët urdherojnë punonjësit ose u binden urdhërave të drejtuesve të tyre dhe u drejtohen Shqiptarëve që jetojne jashtë ose brenda vendit, duke i kerkuar te dhenat personale per te plotesuar listat e patronazhimit nga Partia ne pushtet!

Diaspora për Shqipërinë e Lirë duke ju bërë me dije për pasojat penale që sjellin shkeljet e sipërpërmendura, Ju bën thirrje të mos bini pre e këtyre presioneve nga eprorët tuaj si dhe ju inkurajojme të gjithëve, brenda dhe jashtë vendit, të denonconi rastet e abuzimit, shkeljeve apo presionit të lidhur me të drejtën tuaj për të votuar!

Ofrimi ose dhënia e të hollave, të mirave materiale, premtimi për vend pune ose favorizime të tjera në cilëndo formë, për zgjedhësin ose persona të tjerë të lidhur me të, me qëllim marrjen e firmës për paraqitjen e një kandidati në zgjedhje, për të votuar në një mënyrë të caktuar, për të marrë pjesë ose jo në votime, ose për t’u angazhuar në veprimtari të paligjshme për mbështetjen e një kandidati ose partie politike, përbën vepër penale dhe dënohet me burgim nga një vit deri në pesë vjet.

o Ky nen ndalon ushtrimin e presionit, përfshirë kërcënimin e qytetarëve në funksion të manipulimit të vullnetit të tyre politik.

Pjesëmarrja e një punonjësi që kryen një detyrë shtetërore në shërbimin civil ose në një funksion jopolitik në administratën shtetërore, në kundërshtim me ligjin, në aktivitetet ose fushatën zgjedhore, të një partie politike ose kandidati në zgjedhje, përbën vepër penale dhe dënohet me burgim nga gjashtë muaj deri në tre vjet.

Detyrimi ose organizimi për të marrë pjesë në veprimtari zgjedhore të një subjekti zgjedhor i nxënësve të arsimit parauniversitar nga punonjës që kryejnë një detyrë shtetërore në arsimin publik, ose detyrë a funksion në arsimin jopublik, përbën vepër penale dhe dënohet me burgim nga gjashtë muaj deri në tre vjet.

Detyrimi ose kërkesa drejtuar shtetasve, nga një punonjës që kryen një detyrë shtetërore, që kundër vullnetit të tyre ose nën kërcënimine përdorimit të masave administrative ose disiplinore, për të marrë pjesë në veprimtari zgjedhore të një subjekti zgjedhor, për të marrë ose jo pjesë në zgjedhje, për të mbështetur ose jo një parti politike ose një kandidat në zgjedhje, ose për të votuar në një mënyrë caktuar, përbën vepër penale dhe dënohet me burgim nga një vit deri në tre vjet.

Përdorimi nga një punonjës që kryen një detyrë shtetërore, i të mirave publike, funksionit ose veprimtarisë shtetërore, ose i burimeve financiare ose njerëzore,me qëllim favorizimin e një partie politike ose kandidati në zgjedhje, përbën vepër penale dhe dënohet me burgim nga një vit deri në tre vjet

1. Roli i Ministrave dhe Drejtuesve të Lartë: Ministrat dhe drejtuesit e lartë të shtetit, përfshirë ata me lidhje politike apo pozicione drejtuese në Partinë Socialiste (ose parti të tjera), duhet të ndjekin rreptësisht ligjin. Kodi Penal ndalon përdorimin e funksionit publik për qëllime politike apo zgjedhore.

2. Neutraliteti i funksionarëve publikë: Ministrat dhe zyrtarët e nivelit të lartë nuk mund të përdorin autoritetin e tyre për të favorizuar parti politike apo kandidatë. Çdo shkelje konsiderohet vepër penale e dënueshme me burgim nga 1 deri në 3 vjet.

3. Përdorimi i burimeve shtetërore është krim: Drejtuesit e institucioneve nuk mund të shfrytëzojnë burimet financiare, njerëzore, apo infrastrukturore të shtetit për të mbështetur aktivitete zgjedhore. Kjo përfshin:

o Përdorimin e makinave shtetërore për fushatë.

o Organizimin e stafit për të marrë pjesë në mitingje.

o Shpenzimin e fondeve publike për aktivitete partiake.

4. Asnjë qytetar nuk duhet të detyrohet të votojë nën presion: Kodi Penal është shumë i qartë – ministrat, zyrtarët e lartë dhe punonjësit e administratës nuk mund të kërcënojnë qytetarët me pasoja administrative apo disiplinore për të marrë pjesë në zgjedhje apo për të mbështetur një kandidat.

1. Ministrat dhe zyrtarët e nivelit të lartë: Mund të abuzojnë me pushtetin për të mbështetur partinë e tyre politike, siç është Partia Socialiste ose të tjera.

2. Drejtuesit e institucioneve shtetërore: Urdhërojnë vartësit të marrin pjesë në aktivitete politike, shpesh në mënyrë të detyruar.

3. Punonjësit e administratës: Përfshihen në aktivitete zgjedhore në kundërshtim me ligjin, shpesh nga presioni i eprorëve.

4. Punonjësit e arsimit publik dhe jopublik: Përdorin nxënësit për propagandë zgjedhore.

• Përdorimi i autoritetit shtetëror: Ministrat ose zyrtarët urdhërojnë vartësit e tyre të shkojnë në aktivitete politike gjatë orarit të punës.

• Përdorimi i frikës dhe kërcënimeve: Zyrtarët dhe punonjësit kërcënohen me pushim nga puna ose me masa disiplinore nëse nuk marrin pjesë në aktivitete politike.

• Shfrytëzimi i burimeve publike: Burimet shtetërore, përfshirë automjetet dhe fondet, përdoren për të favorizuar një parti apo kandidat.

• Manipulimi i qytetarëve: Qytetarëve u kërkohet të votojnë në një mënyrë të caktuar, shpesh nën presion ose në këmbim të favoreve.

1. Çdo përfshirje e paligjshme e punonjësve të administratës publike në aktivitete politike është e dënueshme me burgim nga 6 muaj deri në 3 vjet.

2. Përdorimi i burimeve shtetërore ose funksioneve publike për favorizim zgjedhor dënohet me 1 deri në 3 vjet burg.

3. Detyrimi i qytetarëve për të marrë pjesë në aktivitete zgjedhore është një krim që kompromenton demokracinë dhe sanksionohet rreptësisht nga ligji.

• Neutraliteti i administratës publike dhe drejtuesve të shtetit është një detyrim ligjor.

• Çdo përpjekje për të përdorur pushtetin shtetëror për interesa politike është një sulm ndaj demokracisë dhe do të ndëshkohet sipas ligjit.

• Thirrje publike: Qytetarët dhe mediat duhet të raportojnë çdo rast të abuzimit me pushtetin.