Flash News

“Rama ik”, protestuesit mblidhen sërish në Tiranë pas 52 ditësh qëndresë

Zjarr pranë banesave në Elbasan, shpërthime gjatë ndërhyrjes së zjarrfikësve

Gjykata e Lartë publikon listën e kandidatëve për KLGJ, 7 gjyqtarë në garë për 3 vende

Nga arka te thesi me para, pamjet filmike zbulojnë lëvizjet e ish-shefes së financës në Postën e Durrësit

Atentati në Elbasan, dyshohet se objektivi ishte nipi i “Ot Kilës”

E-TJERA

Dokumenti/ Nis hetimi për pasurinë e Erion Veliajt dhe familjarëve të tij

Politiko 21 May 2024, 21:34

Dokumenti/ Nis hetimi për pasurinë e Erion Veliajt dhe

Zbardhet kërkesa që prokurori i SPAK, Ols Dado i ka drejtuar të gjitha bankave të nivelit të dytë në Shqipëri, që të japin informacion për pasurinë e Erion Veliajt, Ajola Xoxa, Arbën Veliajt dhe Shqiponjë Veliaj. 

Në kërkesën e SPAK për bankat, kërkohet që të vendoset në dispozicion çdo informacion që lidhet me veprimet bankare dhe transaksionet financiare të kryera brenda dhe jashtë vendit për personat e cituar më lart.

Gjithashtu SPAK ka kërkuar informacion edhe nëse këta persona kanë marrë kredi, sipas dokumentit të publikuar nga Syri tv. 

Dokumenti/ Nis hetimi për pasurinë e Erion Veliajt dheDokumenti/ Nis hetimi për pasurinë e Erion Veliajt dhe

Kryetari i Bashkisë së Tiranës, Erion Veliaj, më 30 prill ka qëndruar në Prokurorinë e Posaçme kundër Krimit të organizuar dhe Korrupsionit (SPAK) për rreth tetë orë. Ai tha për gazetarët se shkoi në SPAK në cilësinë e bashkëpunëtorit dhe kishte një kohë që kishte kërkuar një takim.

Gjatë qëndrimit në SPAK, Veliaj tha se dha të gjitha sqarimet në lidhje me inceneratorin e Tiranës. Për këtë çështje, në dhjetor të vitit të kaluar u lëshuan 15 urdhërarrestime, përfshirë edhe ndaj zyrtarëve të bashkisë së Tiranës. Ndërkaq, paraprakisht në gusht të vitit të kaluar ishte sekuestruar kompania që ka fituar tenderin për ndërtimin e inceneratorit të Tiranës, e përfshirë edhe në dy djegësit e tjerë në Fier dhe Elbasan.

Kjo është hera e parë që Veliaj u paraqit në SPAK. Ky institucion po heton për inceneratorin e Tiranës, çështje për të cilën janë arrestuar ish-zyrtarë të bashkisë. Ndërkaq në mars të këtij u arrestuan edhe dy drejtorë të bashkisë së Tiranës nën dyshimet për korrupsion dhe fshehje pasurie. Pesë ish-zyrtarë të kësaj bashkie dyshohet se janë pronarët realë të kompanisë ‘5D’ që sipas hetimeve paraprake kanë përfituar tenderë nga institucioni ku ata punonin.

 

 

Të fundit