Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Dumani e thotë troç: Nuk bashkëpunojmë dot me policinë për krimin e organizuar, ka efektivë të përfshirë

Politiko 4 Prill 2024, 12:27

Dumani e thotë troç: Nuk bashkëpunojmë dot me

Kreu i Prokurorisë së Posaçme, Altin Dumani ka thënë troç se nuk mund të bashkëpunojnë me policinë për krimin e organizuar pasi ka efektivë të përfshirë në të.

“Në raste të caktuara, sidomos ato të krimit të organizuar, nuk bashkëpunojmë dot me policinë sepse na rezulton se ka policë të përfshirë dhe është në nivele te larta”, tha Dumani.

Dumani kërkoi gjatë raportimit vjetor me KLP, se u duhet dhënë një mundësi prokurorëve të posaçëm për rikandidim, pas mbarimit të mandatit 9 vjeçar.

"Ligji thotë që SPAK pas përfundimit të mandatit 9 vjeçar të kthehen në Prokurorinë ku kanë ushtruar më parë funksionet. E para një pjesë e prokurorive janë prej ndryshimit të hartës, nuk ekzistojnë. Unë vij nga Apeli dhe kthehem në Apel, jam në rregull. Po përshembull kur vjen nga Krimet e Rënda nuk dihet ku shkon, sepse nuk ekziston. Është investuar aq shumë nga shteti te këta prokurorë, por edhe nga partnerët, për ngritjen e tyre profesionale saqë unë mendoj se janë aset që duhen shfrytëzuar. Jo në kuptimin që e përdore dhe pas 9 vjetësh, shko te Prokuroria e Juridiksionit të Përgjithshëm. Edhe nga përvoja ime, ne nuk e kemi luksin që këto asete t\i çojmë në një vend tjetër, ne nuk kemi aq shumë prokurorë të kualifikuar, me integritet saqë të plotësojnë boshllëkun", tha Dumani.

Por, anëtari i KLP Tartar Bazaj e pyeti nëse do jetë efektive kjo alternativë dhe se a paraqet rrezikshmëri shoqërore.

Dumanin duke se e acaroi paksa pyetja e Bazajt duke i thënë se prokurori është i kontrolluar nga mëngjesi në darkë.

"Unë nuk thashë automatike, thashë rivlerësim dhe dhënie e mundësisë për të rikandiduar.  Si qenka i rrezikshëm prokurori? Ai është palë…Ne biem dakord që patjetër energjitë bien, me kalimin e moshës konsumohesh, ngarkesë e madhe, bie…Patjetër që Altini i para 10 viteve nuk është njësoj me sot, por ama bëhesh më profesionist me kalimin e kohës. Nëse kemi hetues të mirë, puna e prokurorit përmirësohet. Prokurori nuk kryen vetë hetime, diku tjetër kontrollon punën në zyrë. Ne jemi kthyer në punëtorë krahu, pa dashur t’i jap konotacion negativ, bëjmë çdo gjë vetë. Patjetër lodhesh, konsumohesh. Prokurori është i kontrolluar nga mëngjesi në darkë", shtoi ai.

Të fundit