Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"E tmerron Ramën", Lala: Xhafaj në krye të komisionit AntiSPAK, lufta ndaj Dumanit sapo ka nisur

Politiko 28 Maj 2024, 18:25

"E tmerron Ramën", Lala: Xhafaj në krye të komisionit

Gazetarja Klodiana Lala ka zbardhur detaje lidhur me rezolutën antikorrupsion të propozuar nga PS dhe ngritjen e një Komisioni të Posaçëm parlamentar për "Shqipërinë 2030".

Siç edhe përflitet, në krye të këtij komisioni kryeministri Rama do të caktojë ish-ministrin Fatmir Xhafaj.

Në një postim në rrjetet sociale, Lala shkruan se ky komision do të përpiqet të kontrollojë strukturën antikorrupsion dhe se Xhafa do të luajë me procedura, teknikalitete, negociata me ndërkombëtarët.

Ajo shton se lufta ndaj kreut të SPAK, Altin Dumanit sapo ka nisur, pasi sipas saj SPAK-u ndryshe nga sa mendojnë analistë të njohur në vend, po ju del nga kontrolli.

POSTIMI I PLOTË:

Ndodhesha në Beograd për shkak të një angazhimi profesional kur në Këshillin e Lartë të Prokurorisë do të zgjidhej kreu i ri i SPAK. E ndoqa mbledhjen online dhe kuptova se lufta e qeverisë për të marrë drejtimin e Prokurorisë së Posacme ishte e fortë.
Mënyra sesi po zhvilloheshin ngjarjet e dëshmonin qartë këtë. Në finale drejtimin e SPAK e mori Altin Dumani.
Prej asaj dite lufta ndaj korrupsionit në nivele të larta dhe korrupsionit ka nisur të ashpërsohet (sigurisht kërkohet shumë më tepër).

Altin Dumani nuk i bindej askujt. Vetëm LIGJIT. Kjo ngjan se e tmerron Edi Ramën. Ndaj sic duket qartë, ai zgjodhi Fatmir Xhafën, njeriun që dikur e flaku brenda natës nga Ministria e Brendshme, ta thërrasë në shërbim. Si përherë Xhafa di të shërbejë. Ndaj befas e gjen veten në krye të Komisionit AntiSPAK. Një komision që do të përpiqet të kontrollojë strukturën antikorrupsion.

Lufta ndaj Dumanit sapo ka nisur. Xhafa do të luajë me procedura, teknikalitete, negociata me ndërkombëtarët. Do bëjë cmos të arrijë ta kontrollojë SPAK dhe ti shërbejë SHEFIT. Se ka për gjë, e ka gëlltitur flakjen nga Ministria e Brendshme. Edhe momentin kur u detyrua të dorëzojë vëllain në burg në Itali vetëm e vetëm që mos trazohej Edi Rama. Ujërat tashmë kanë ndryshuar. SPAK-u ndryshe nga sa mendojnë analistë të njohur në vend, po ju del nga kontrolli. Jo e gjithë struktura, por një pjesë, që po iu prish gjumin.

Personalisht nuk besoj që Shqipërinë e bën SPAK, Shqipërinë e bëjmë Ne, qytetarët. Por SPAK mjafton t’iu dridhë gjunjët e poltikanëve të korruptuar që deri dje e shihnin veten të paprekshëm. Xhafa është njëri prej tyre, të cilit duhet ti hetohet pasuria për shkak se vëllai është i dënuar për drogë. Po ndërsa, do duhej të mbështeste Reformën që vetë e qepi, tani po përpiqet ta shqepë dhe të vërë nën kontroll SPAK. Nëse kjo ndodh, sbesoj se në këtë vend ka më shpresë. Urojmë mos më dalë parashikimi.