Flash News

Dyshohet se ra në një gropë thithëse, humb jetën 33-vjeçari në lumin Mat

Dua Lipa kritikon qeverinë Rama: Shqetësuese ndryshimi i ligjeve pa konsultim publik

Argjentina thyen rezistencën e Zvicrës në kohën shtesë, në gjysmëfinale e pret Anglia

Këmbimi valutor, me sa blihen e shiten sot monedhat e huaja

Temperaturat shkojnë deri në 38 gradë, si parashikohet moti sot

E-TJERA

Edhe kërkimi shkencor nën kontrollin e Ramës, zëvendëson akademikët me ministrat

Politiko 2 October 2024, 11:48

Edhe kërkimi shkencor nën kontrollin e Ramës,

Së fundmi, kreu i Qeverisë Edi Rama ka ndërmarrë një nismë tjetër për kontrollin mbi Arsimin e Lartë dhe kërkimin shkencor.

Qeveria ka çuar për miratim në Kuvend projektligjin e ri, nëpërmjet të cilit do të ngrihet Këshilli Kombëtar për Shkencën dhe Kërkimin Shkencor, që do të drejtohet nga Kryeministri dhe në këshill do të jenë edhe 7 ministra që do të zëvendësojnë akademikët.

Ky ligj i jep Ministrisë së Arsimit kompetencën për të kontrolluar, financuar dhe vlerësuar kërkimin shkencor të të gjitha institucioneve arsimore dhe pedagogëve në vend.

Në lidhje me këtë projekt-ligj ka ardhur një reagim edhe nga Qëndresa Qytetare, e cila evidenton problematikat dhe fton akademikët, profesorët dhe sindikatat të reagojnë ndaj kësaj kapje dhe zhveshje të universitetit nga liria dhe autonomia akademike.

Reagimi i Qëndresës Qytetare:

Qeveria ka dërguar në Kuvend projektligjin për shkencën, i cili ka marrë miratimin e komisioneve parlamentare. Ky ligj i jep Ministrisë së Arsimit kompetencën për të kontrolluar, financuar dhe vlerësuar kërkimin shkencor të të gjitha institucioneve arsimore dhe pedagogëve në vend.

Sipas projektligjit, Këshilli Kombëtar për Shkencën dhe Kërkimin Shkencor drejtohet nga Kryeministri dhe në këshill do të jenë edhe 7 ministra, roli i të cilëve në akademi është totalisht i pakuptimtë, pasi rolin e tij e ka pasur një Këshill i përbërë vetëm nga akademikë dhe departamentet e vetë universiteteve.

Ky projektligj, bie në kundërshtim me ligjin për arsimin e lartë dhe kërkimin shkencor, i cili e ka në themel të tij lirinë akademike, liri të cilën ky ligj ia zhvesh universitetit, departamentit dhe institutit, për t’ia ngarkuar organeve të reja të krijuara.

Ky ligj zhvlerëson njëkohësisht edhe titujt akademikë të marrë deri tani, pasi krijon tituj të rinj, si kërkues, apo kërkues i avancuar duke dubluar titujt profesor apo doktor në universitete.

Qëndresa Qytetare fton akademikët, profesorët dhe sindikatat të reagojnë ndaj kesaj kapje dhe zhveshje të universitetit nga liria dhe autonomia akademike.

Të fundit