Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Escobar shkarkohet si emisar për BP? DASH përgënjeshtron lajmin me zëdhënës 'fake', presion gazetarit të Kosovës

Politiko 6 Maj 2024, 13:12

Escobar shkarkohet si emisar për BP? DASH përgënjeshtron lajmin

“Pretendime të rreme”. Kështu e ka quajtur DASH artikullin e gazetarin Vudi Xhymshiti lidhur me shkarkimin e Gabriel Escobar si emisar i Dërguar i Ballkanit Perëndimor.

Në një reagim për “Balkan Monitor”, një zëdhënës i DSH për të cilën nuk ka asnjë emër, përgënjeshtrohet lajmi i shkarkimit të Escobar.

"Pretendimet e bëra nga Vudi Xhymshiti janë vërtet të rreme. Zëvendës Ndihmës Sekretari Gabriel Escobar nuk është shkarkuar nga posti i tij. Të gjithë oficerët e Shërbimit të Jashtëm në karrierë i ndërrojnë detyrat çdo një deri në katër vjet si një praktikë e rregullt. Si oficer i shërbimit të jashtëm karriere, Zëvendës Asistent Sekretari Escobar ka shërbyer në detyrën e tij aktuale për tre vjet dhe pritet të kalojë në detyrën e tij të ardhshme në javët e ardhshme. Deri në tranzicionin e tij të planifikuar, ai mbetet në rolin e tij si Zëvendës Ndihmës Sekretari dhe i Dërguari Special në zyrën e Çështjeve Evropiane dhe Euroaziatike. si dhe i Dërguari Special për Çështjet e Ballkanit Perëndimor”, thuhet në njoftimin e zëdhënësit.

DASH tha gjithashtu se pronari i faqes “Frontliner”, Vudi Xhemshiti, “ka bërë një sërë deklaratash online për Escobarin që janë të rreme”.

Zëdhënësi i DASH ka hedhur poshtë pretendimet e publikuara në uebsajt për gruan e Gabriel Escobar, duke thënë se “gruaja e Escobarit nuk ka marrë asnjëherë fonde nga Ministria e Punëve të Jashtme të Serbisë”. Gjithashtu zëdhënësi tha se Escobar nuk ka asnjë lidhje familjare me "partnerin e supozuar të firmës ligjore nga Texas McGinis Lochridge LLP".

“Ne inkurajojmë gazetarët që të verifikojnë faktet përpara se të përhapin thashetheme të pabaza dhe fyese”, tha zëdhënësi. "Në përgjithësi, ne e dimë se dezinformimi përbën një kërcënim të jashtëzakonshëm për shoqëritë demokratike. Ai helmon diskursin social, përkeqëson ndarjet dhe përfaqëson një kërcënim të sigurisë kombëtare për Shtetet e Bashkuara dhe aleatët dhe partnerët tanë."

Mirëpo, Protokolli i Departamentit të Shtetit kërkon një emër dhe një mbiemër për shtypin, pra referuar zëdhënësit në fjalë, përndryshe ata publikojnë një deklaratë në faqen e internetit. Dhe protokolli i tyre kërkon që mohimi i lajmit të adresohet tek burimi origjinal dhe jo tek një palë e tretë.

Këtë e konfirmon edhe vetë gazetari Xhymshiti i cili në një postim në platformën “X”, thotë se “një burim i besuar/verifikuar amerikan, konfirmon se deklaratat zyrtare përfshijnë gjithmonë emrin e plotë të një zëdhënësi dhe lëshohen drejtpërdrejt, duke nxjerrë në pah një keqkuptim me shtypin vendas”.

Pra, një reagim i tillë është ‘fake’ dhe po tentojnë t’i bëjnë presion gazetarit Xhymshiti për artikullin e shkruar.

Të fundit