Flash News

Mblidhet Kuvendi i Burrave të Shalës: Këto kulla janë bërë me djersë e gjak, qeveria të ndërpresë aksionin

Rrezikuan pushuesit, bllokohen 36 mjete lundruese nga Ksamili në Koman

Ndodh në Kavajë, djali inskenon rrëmbimin për të marrë para nga babai

Tronditet Maqedonia e Veriut: Babai vret të birin dhe nipin, pastaj vetëvritet

Gjendet i vdekur në sediljen e një makine 50-vjeçari në Shkodër

E-TJERA

Çështja 'Beleri' dhe drejtësia në Shqipëri, faktori përkeqësues në marrëdhëniet me Greqinë

Politiko 5 Korrik 2024, 16:50

Çështja 'Beleri' dhe drejtësia në Shqipëri,

Programi i Evropës Juglindore, në bashkëpunim me Fondacionin Konrad-Adenauer - Zyra për Greqinë dhe Qipron dhe Njësinë e Kërkimit të Opinionit Publik dhe Tregut të Institutit të Kërkimeve të Universitetit të Maqedonisë realizuan një sondazh të opinionit publik në mbarë Greqinë mbi marrëdhëniet greko-shqiptare në një kampion të rastësishëm dhe përfaqësues.

Sondazhi u realizua midis datave 15-21 prill 2024 në një kampion prej 1165 personash, 17 vjeç e lart me përgjegjës shkencorë Ioannis Armakolas, Profesor i Asociuar në Universitetin e Maqedonisë dhe Kërkues Kryesor dhe Drejtor i Programit të Evropës Juglindore në ELIAMEP, dhe Giorgos Siakas, Profesor i Asocuar në Universitetin e Thrakisë së Demokritus dhe Drejtor i Hulumtimeve të Njësisë së Hulumtimeve të Opinionit Publik dhe Tregut të Universitetit të Maqedonisë.

Sipas gjetjeve të hulumtimit, pamja e përgjithshme në nivel shoqëror vendos marrëdhëniet greko-shqiptare në pikën më të mirë të tyre, me shumicën e të anketuarve që kanë një opinion pozitiv për emigrantët shqiptarë në Greqi dhe kontributin e tyre në zhvillimin ekonomik të saj, dhe shumicën dërrmuese që vlerësojnë se fëmijët e tyre janë plotësisht të integruar.

Në nivel të marrëdhënieve dypalëshe, pamja është më komplekse, me hulumtimin që reflekton qëndrimin shumë negativ dhe shqetësimin e opinionit publik grek për çështjen Beleri dhe të drejtat e minoritetit grek në Shqipëri.

Gjatë prezantimit të hulumtimit nga drejtuesit shkencorë, z. Siakas dhe Armakolas, u theksua dallimi mes perceptimit të publikut për pjesën që dominon axhendën politike dhe perceptimit që vjen nga shoqëria dhe biznesi. “Ka opinione shumë pozitive, të cilat janë vazhdimisht në përmirësim, për marrëdhëniet sociale dhe ekonomike mes dy palëve”, tha Armakolas gjatë ndërhyrjes së tij.
Krahasuar me sondazhin e mëparshëm, z. Siakas tha se: "Ka një përmirësim të imazhit të Shqipërisë në Greqi, por opinionet negative mbeten shumicë. Për marrëdhëniet dypalëshe ka një përkeqësim të lehtë, por mbizotërojnë opinionet kryesisht neutrale".

Për sa i përket pyetjes se cili prej vendeve përfiton më shumë nga bashkëpunimi me njëri-tjetrin, qytetarët grekë janë të mendimit se të dyja vendet përfitojnë njësoj, krahasuar me trendin tjetër ku Shqipëria shihej si përfituesja më e madhe.

Një tjetër aspekt interesant nga gjetjet lidhej me perceptimin pozitiv në rritje të “opinioneve dominuese janë shumë pozitive për emigracionin shqiptar në Greqi, ku 3 nga 4 të anketuar mendojnë se kanë kontribuar në zhvillimin ekonomik të Greqisë”.

Z. Siakas vuri në dukje se për çështjen e Çame dhe Vorio-Epirin, opinioni publik grek sheh një prirje rënëse të informacionit, veçanërisht në grupmoshën 17-34 vjeç.

Ndërsa mbeten të larta dhe negative për palën shqiptare, të cilat pasqyrojnë politikën dhe rolin e medias - saktëson Armakolas - perceptimet për çështjen Beleri, respektimin e të drejtave të minoritetit grek në Shqipëri dhe shtetin ligjor në Shqipëri. Opinioni publik pranon se vendet e treta, përfshirë BE-në dhe SHBA-në, kishin një qëndrim më neutral për çështjen e Belerit.