Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Fermerët e gështenjës “të rrënuar”, problem rënia e kërkesës dhe konkurrenca e pandershme në treg

Politiko 31 Tetor 2022, 10:18

Fermerët e gështenjës “të rrënuar”, problem

Shqiptarët që fitojnë të ardhura nga shitja e gështenjave të egra po vuajnë këtë dimër pasi kostoja për kilogram ka rënë deri në 60% për shkak të uljes së kërkesës, janë shprehur fermerët në një aktivitet të zhvilluar në qytetin e Elbasanit.

Mbledhja dhe shitja e gështenjës së egër ishte bërë një biznes i qëndrueshëm për shumë që jetonin në zona më të varfra, rurale për shkak të rritjes së kërkesës për eksport. Në vitin 2021, çmimi për kilogram ishte rreth 1,20 euro, por tani ka rënë në vetëm 0,34 euro.

“Prodhimet kanë qenë shumë të mira, por na mungojnë klientët për të blerë, na mungon shumë tregu. Ne nuk kemi asnjë mbështetje nga komuna,” tha një fermer.

Gështenjat mblidhen kryesisht në veri të vendit, përfshirë Kukësin, një nga zonat më të varfra, më të prekura nga emigracioni.

Eksportuesit shpjeguan se një korrje e mirë e gështenjës në Evropë, e kombinuar me kostot e rritura të transportit, energjisë elektrike, karburantit dhe paketimit, do të thoshte se çmimet e eksportit nuk ishin aq konkurruese për klientët evropianë.

“Gështenjat e këtij viti janë në sasi të mëdha jo vetëm në Shqipëri por edhe në Evropë. Ky është një vit i veçantë, rritja e naftës bëri që çdo çmim të rritet pothuajse dy herë, si transporti, ambalazhimi, paleta, energjia elektrike etj. Si rrjedhojë, çmimi i eksportit ka rënë në 50 cent për kilogram dhe kërkesa është shumë e ulët”, tha Adrian Citozi nga kompania e eksportit Lea 2011.

Ai gjithashtu shtoi se nuk ka një kërkesë të tillë për produktin në tregun evropian. Gështenjat shqiptare mund të shiten deri në 7 euro për kilogram në Evropë, ndërsa fermerët vendas marrin nga 30 deri në 45 cent. Ndërkohë, disa dyqane vendase po importojnë gështenja nga Greqia dhe i shesin me 2.50 euro për kilogram.

Fermerët në këtë aktivitet u shprehën për mediat se ka konkurrencë të pandershme në treg si dhe mungesë mbikëqyrjeje, për shembull në rastin e mallrave që nuk plotësojnë standardet e duhura.

“Ka shumë mjaltë fallco në treg dhe i kërkova shtetit dhe atyre që zbatojnë ligjet të ndëshkojnë abuzuesit,” tha një fermer. Ndërkaq, edhe fermerët e produkteve të tjera janë ankuar se këtë vit rendimenti ka qenë i mirë por nuk ka treg të brendshëm në mënyrë që të lehtësohen shitjet.

Burimi: Euroactiv