Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Fevziu: I domosdoshëm dëbimi i diplomatëve iranianë, ambasada ishte bazë operative

Politiko 8 Shtator 2022, 16:21

Fevziu: I domosdoshëm dëbimi i diplomatëve iranianë,

Gazetari Blendi Fevziu e ka cilësuar të domosdoshëm dëbimin e diplomatëve iranianë në vendin tonë.

Në një intervistë për Euronews Albania, Fevziu thotë se Shqipëria nuk ka pasur raporte me Iranin derisa u strehuan në vendin tonë muxhahedinët. Sipas gazetarit marrëdhëniet me Iranin u tensionuan pikërisht për strehimin e muxhahedinëve.

“Raportet mes Shqipërisë dhe Iranit ka qenë problematike, kjo për një periudhë afatgjatë për arsye të vendosjes se muhamedanëve në Shqipëri. Janë vendosur në Manzë të Durrësit. Raportet Shqipëri-Iran kanë qenë zero deri në momentin që muxhahedinët u larguan nga Iraku bashkë me SHBA dhe një pjesë janë vendosur në Shqipëri. Këtu lindi tensioni dhe konflikti me Iranin”, u shpreh gazetari.

Fevziu u shpreh më tej se vendimi i qeverisë shqiptare për dëbimin e diplomatëve iranianë ishte i domosdoshëm.

“Ne kemi pasur disa tentativa të Iranit të deklaruara, të denoncuara nga shërbimet sekrete për të bërë terror në Shqipëri. Zgjidhja e Shqipërisë, vendimi i Shqipërisë ishte i domosdoshëm. Një ambasadë e Iranit me një personal kaq të madh në Tiranë ishte një bazë operative për shërbimet inteligjente që dëmtonte sigurinë e Shqipërisë”, tha më tej Fevziu.

Kryeministri Edi Rama kërkoi një ditë më parë që stafi diplomatik i ambasadës së Republikës Islamike të Iranit të largohet brenda 24 orëve nga Shqipëria.

Gjatë një fjalimi të publikuar në rrjetet sociale, Rama deklaroi se ky vendim i Këshillit të Ministrave, vjen pas u zbulua se pas sulmit kibernetik të 15 korrikut, qëndron Republika Islamike e Iranit.

Të fundit