Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Firmoset kontrata prej 6 mln $ për satelitët Albania 1 e 2/ Rama: Do monitorojnë ndërtimet pa leje, së shpejti me dronë të armatosur

Politiko 29 Shtator 2022, 11:17

Firmoset kontrata prej 6 mln $ për satelitët Albania 1 e 2/ Rama: Do

Nënshkruhet kontrata prej 6 milionë dollarë për vendosjen e dy satelitëve, Albania 1 dhe Albania 2. Dërgimi në hapësire i këtyre satelitëve ishte paralajmëruar të ndodhte disa muaj më parë, por u shty.

Në prezantimin që u bë në kryeministri, ministri i Mbrojtjes Niko Peleshi tha se kontrata ka afat 3-vjeçar dhe se do të shërbejnë për monitorimin e territorit.

“Sot do nënshkruhet kontrata e shërbimit satelitor në fushën e mbrojtjes dhe sigurisë për monitorimin me teknologji të avancuar të territorit të Shqipërisë nëpërmjet Agjencisë Kombëtare të Mbrojtjes Civile dhe Operatorit SateLogic SHBA.

Kontrata ka vlerën 6 milionë dollarë. Konsiston në përdorimin ekskluziv të dy satelitëve, fillimisht për një periudhë 3-vjeçare, për monitorimin e territorit të Shqipërisë, zhvillimin e kapaciteteve teknike, profesionale, për përdorimin e shërbimit satelitor, përpunimin e informacionit gjeohapësinor si dhe ofrimin e produkteve të imazherisë.

Satelitët do të quhen Albania 1 dhe Albania 2. Kjo do t’i mundësojë Shqipërisë marrjen e imazheve satelitore. Nuk e fillojmë nga zero. Është bërë një punë shumë e madhe deri tani. Kemi një agjenci e cila do të jetë e përfshirë në menaxhimin e imazheve për të gjitha Ninstitucionet që do të kenë nevojë”, tha Peleshi.

Ndërsa kryeministri Rama tha se monitorimi i vendit me satelitë do të evidentojë ndërtimin e kateve pa leje. Ai njoftoi se Shqipëria do të pajiset edhe me dronë të armatosur.

“Me satelitët nuk do ketë mundësi të ndërtohen kate pa leje. Satelitët kanë kapacitetin të shohin çdo volum të ngritur në sipërfaqen e tokës në një perimetër që mblidhet 70 cm.  Do të ketë shumë sy mbi territor dhe do të jetë e pamundur që sytë ekskluzivë të monitoruesit të territorit t’i shesin shtetit një informacion të gabuar duke bërë letra false.

Satelitët shumë shpejt do të pasohen nga dronët. Ne kemi vendosur t’i kompletojmë dhe të marrim dronë të armatosur. Natyrisht janë për rast ekstrem kundër terrorizmit apo një armiku potencial, por dronët kanë një tërësi funksionesh në përputhje me satelitët”, u shpreh kryeministri.

Të fundit