Flash News

Debutim i hidhur për Maran, Shqipëria mposhtet nga Izraeli

“Pelikanin kaçurrel, do ta sjellim në Surrel”, vogëlushja e përlotur mesazh Ramës nga protesta

Video/ Policia hedh ujë ndaj turmës, protesuesit çajnë gardhin metalik

Tragjedia në Shëngjin, humbin jetën 2 të rinj nga Kosova, 3 të tjerë përfundojnë në spital

U futën për t'u larë, 4 të rinj rrëmbehen nga dallgët te 'Rana e Hedhun', dyshohet për viktima

E-TJERA

Fitorja e Benet Becit në Shkodër, Shkullaku: Ka luajtur rol shitblerja e votës

Politiko 15 Maj 2023, 21:03

Fitorja e Benet Becit në Shkodër, Shkullaku: Ka luajtur rol shitblerja

Shkodra, e njohur si një bastion i së djathtës votoi kandidatin e Partisë Socialiste Benet Beci si kryebashkiak.

Ky i fundit shënoi një fitore të thellë me 60.24% të votave kundrejt rivalit të koalicionit “Bashkë Fitojmë”, Bardh Spahia me 39.8%.

Në një intervistë me Klan News, gazetari Armand Shkullaku tregon se si e sheh ai rezultatin e ri në ish-vatrën e demokratëve.

Shkullaku ka thënë se është përdorur e gjithë aparatura qeveritare, gjithë qeveria deri edhe te Big Brotheri (referuar Luizit).

Analisti ka thënë se ka luajtur rol shitblerja e votës. Ka patur denoncime për kërcënime të votuesve që nuk janë hetuar dhe as do hetohen ndonjëherë, ka thënë ndër të tjerash Shkullaku.

Pjesë nga biseda

Armand Shkullaku: Prej sa kohësh makineria e qeverisë ishte e vendosur në Shkodër?

Anjola Hamzaj: Prej sa kohësh?

Armand Shkullaku: Prej gati një viti. Prej sa kohësh kemi parë se si elementë në Shkodër si ish-deputeti Agron Çela i cili ka marrë votat nga Lëvizja Socialiste për Integrim, e kemi parë se si Tom Doshi në këto 10 vjet ka ndërtuar një bastion votash po prapë në Shkodër. Në qoftë se ju më thoni këto vota janë për një Shkodër ndryshe, për një projekt vizionar dhe nuk janë vota klienteliste, atëherë diskutimi mbyllet por unë mendoj që janë të gjitha vota klienteliste.

Domethënë u përdor e gjithë aparatura qeveritare, gjithë makineria qeveria deri edhe te ky i Big Brother-it e me radhë gjithë këto figurat në  shembullin e Erion Velisë që nxjerrin këto personazhet dhe në Shkodër. Padiskutim që ka luajtur rol për mua shitblerja e votës, e padiskutueshme. Ka patur denoncime për kërcënime të votuesve që nuk janë hetuar dhe as do hetohen ndonjëherë, por thashë po të merremi me bashki të caktuara, këto manipulime kanë dalë, do dalin më vonë por këto nuk kanë pikë rëndësie përballë gjithë sistemit në përgjithësi. U përgatit një farsë elektorale te e cila çdo rezultat nuk përbënte më surprizë./tvklan

Të fundit